چیف آف آرمی اسٹاف جنرل سیّد عاصم منیر سے آسٹریلوی چیف آف ڈیفنس اسٹاف نے ملاقات کی ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف اور آسٹریلوی چیف آف ڈیفنس اسٹاف کی ملاقات میں دو طرفہ امور پر بات چیت کی گئی۔
مزید پڑھیں
آئی ایس پی آر نے بتایا کہ ملاقات میں عالمی اور علاقائی سلامتی کے ماحول اور دونوں مسلح افواج کے درمیان تعاون پر تبادلہ خیال کیا گیا، جبکہ فوجی تعاون کو مزید وسعت دینے کی باہمی خواہش کا اظہار بھی کیا گیا۔
ترجمان کے مطابق آسٹریلوی چیف آف ڈیفنس فورسز نے پاکستان کی مسلح افواج کے اعلیٰ پیشہ ورانہ معیارات، دہشتگردی کے خلاف جنگ میں ان کی نمایاں کامیابیوں اور علاقائی امن و استحکام کے فروغ کے لیے ان کی مسلسل کوششوں کو سراہا۔
