پاکستان کی اسکواش کھلاڑی ثنا بہادر نے آسٹریلیا میں پی ایس اے چیلنجر 3K بینڈیگو اوپن 2026 کا ٹائٹل جیت کر اہم اعزاز اپنے نام کرلیا۔ ثنا بہادر نے فائنل میں آسٹریلیا کی سابق عالمی نمبر ایک راشیل گرینہیم کو سخت مقابلے کے بعد 1-3 سے شکست دے کر ٹرافی حاصل کی۔
آسٹریلیا کے شہر بینڈیگو میں واقع بینڈیگو اسکواش سینٹر میں 13 سے 16 اگست تک ہونے والے ایونٹ کے فائنل میں ثنا بہادر نے پہلا گیم 2-11 سے ہارنے کے بعد شاندار واپسی کی اور اگلے تینوں گیمز 11-2، 12-10 اور 11-9 سے جیت کر مقابلہ اپنے نام کرلیا۔ فائنل صرف 26 منٹ جاری رہا۔
– Sana Bahadur has clinched the title at the *PSA Challenger 3K Bendigo Open 2026*, held from 13th to 16th August 2026 at the Bendigo Squash Centre, Melbourne, Australia.
In an impressive final, *Sana Bahadur defeated Australia’s Rechael Grinha 3-1* to lift the trophy. pic.twitter.com/XAGCjAlmd5
— Asif Khan (@mak_asif) August 16, 2026
ٹورنامنٹ میں دوسری سیڈ ثنا بہادر نے سیمی فائنل میں آسٹریلیا کی شونا کوکس ایج کو 1-3 سے شکست دی تھی، جبکہ کوارٹر فائنل میں انہوں نے آسٹریلیا کی ماریا روز کلافاتس کو براہ راست تین گیمز میں شکست دی۔
فائنل کی خاص بات یہ بھی تھی کہ ثنا بہادر نے آسٹریلیا کی تجربہ کار کھلاڑی راشیل گرینہیم کو شکست دی، جو سابق عالمی نمبر ایک رہ چکی ہیں۔ گرینہیم نے سیمی فائنل میں بھارت کی پہلی سیڈ سانیا وتس کو شکست دے کر فائنل میں جگہ بنائی تھی۔
یہ بھی پڑھیں:پاکستان کی ماہ نور علی نے سنگاپور جونیئر اسکوائش اوپن چیمپیئن شپ جیت لی
ثنا بہادر کی یہ کامیابی ان کے کیریئر کا پہلا پی ایس اے ٹائٹل بھی قرار دی جارہی ہے۔ پاکستان اسکواش فیڈریشن نے بھی ان کی کامیابی پر مبارک باد دیتے ہوئے اسے عالمی سطح پر پاکستان کے لیے قابلِ فخر لمحہ قرار دیا ہے۔
بینڈیگو اوپن 2026 خواتین کا ایونٹ 3 ہزار ڈالر انعامی رقم والے پی ایس اے چیلنجر ٹور کا حصہ تھا۔
