سعودی وزارت حج و عمرہ نے ایک معلوماتی منشور کے ذریعہ حجاج کرام کے لیے اہم مشورے جاری کیے ہیں تاکہ وہ حج کے دوران صحت مند رہتے ہوئے تھکان سے بچ سکیں۔
لأداء المناسك بدون إجهاد، استعد قبل القدوم، وهيئ بدنك للرحلة.#لا_حج_بلا_تصريح#حج_1445هـ#مكة_والمدينة_في_انتظاركم_بشوق pic.twitter.com/AFJUsMVry2
— وزارة الحج والعمرة (@HajMinistry) May 20, 2024
وزارتِ حج وعمرہ کے آگاہی سینٹر نے اپنے منشور میں حجاج کی آسانی کے لیے انہیں سفرِ حج کے مراحل سمجھنے، مقدس مقامات کے درمیان فاصلوں کے حوالے سے معلومات، نیز روزانہ کی بنیاد پر ورزش کرنا، اور سفر سے پہلے مشقت والے کاموں سے پرہیز کرنے کا مشورہ دیا ہے۔
مستزاد یہ کہ مناسک کی ادائیگی کے دوران، وزارت نے تجویز دی ہے کہ حجاج طبی یا کھیلوں کے جوتے پہنیں، مرغن غذاؤں سے پرہیز کریں، کسی بھی عبادت کی ادائیگی کے بعد کچھ دیر آرام کریں اور پانی اچھی مقدار میں پینا جاری رکھیں۔
حجاج کرام کے لیے یہ مفید مشورے ایک منشور کی صورت میں جاری کیے گئے ہیں تاکہ حجاج کرام کی صحت اور سلامتی کو یقینی بنایا جا سکے اور وہ مناسکِ حج سہولت سے ادا کرسکیں۔
