کوئٹہ میں یوم پاکستان کے موقع پر قومی اعزازات تقسیم کرنے کی تقریب گورنر ہاؤس میں منعقد ہوئی، گورنر بلوچستان عبدالولی خان کاکڑ نے مختلف شعبوں میں نمایاں خدمات سرانجام دینے والوں میں اعزازات تقسیم کیے۔
گورنر بلوچستان نے فن و ادب کے شعبے میں امان اللہ، عبیداللہ درویش درانی اور پروفیسر ڈاکٹر اشرف شاہین قیصرانی کو صدارتی ایوارڈ برائے حسن کارکردگی سے نوازا۔ جبکہ مرحوم صحافی ارشاد مستوئی اور اشرف زہری کو تمغہ امتیاز سے نوازا گیا۔
صادق علی، صراف شاد، نسرین گل، عصمت درانی، عبدالباری، رحمت بی بی، عبدالحیات، نبی بخش، شازیہ اکرم شاہوانی، رشید حسرت اور شبانہ سلطان کو صوبائی ایکسیلینس ایوارڈ عطا کیے گیے۔
گورنر ہاؤس کوئٹہ میں منعقدہ تقریب میں وزرا، اراکین پارلیمنٹ اعلیٰ سرکاری و عسکری حکام نے شرکت کی۔
