قائم مقام صدر مملکت سید یوسف رضا گیلانی نے 2 آرڈیننس جاری کردیے ہیں۔
قائم مقام صدر نے قومی احتساب بیورو (نیب) ترمیمی آرڈیننس اور الیکشن ایکٹ ترمیمی آرڈیننس جاری کیے ہیں۔
مزید پڑھیں
قومی احتساب بیورو (نیب) ترمیمی آرڈیننس کے مطابق نیب کا ریمانڈ اب 14 روز سے بڑھا کر 40 دن کردیا گیا ہے۔
نیب ترمیمی آرڈیننس میں کہا گیا ہے کہ اگر کوئی افسر بدنیتی پر مبنی کیس بنانے کا ذمہ دار قرار پاتا ہے تو اس کی سزا 5 سال کے بجائے اب 2 سال ہوگی۔
اس کے علاوہ الیکشن ایکٹ ترمیمی آرڈیننس کے مطابق الیکشن ٹریبونل میں حاضر سروس جج کے علاوہ ریٹائرڈ جج بھی تعینات ہوسکیں گے۔
واضح رہے کہ صدر مملکت آصف علی زرداری دبئی کے دورے پر ہیں جس کے باعث چیئرمین سینیٹ سید یوسف رضا گیلانی قائم مقام صدر مملکت کی ذمہ داریاں نبھا رہے ہیں۔
