خیبرپختونخوا کے علاقے شانگلہ میں مسافر جیپ کھائی میں گرنے سے ڈرائیور سمیت 8 افراد جاں بحق ہوگئے۔
اطلاعات کے مطابق بیلے بابا سے پاگوڑی جانے والی مسافر جیپ تودو اوبو کے مقام پر حادثے کا شکار ہوکر کھائی میں گرگئی جس کے نتیجے میں ایک ہی خاندان کے 8 افراد جان کی بازی ہارگئے۔
شانگلہ: بشام خوازہ خیلہ روڈ سے پیرآباد کے علاقے پاگوڑی جانے والی جیپ گہری کھائی میں جا گری جس کے نتیجے میں ایک ہی خاندان کے آٹھ افراد ہلاک ہو گئے ہیں۔ دو افراد شدید زخمی۔
ہلاک ہونے والوں میں دو بچے، ایک مرد اور تین خواتین شامل ہیں۔ مقامی پولیس کا کہنا ہے کہ سیدالوہاب نامی شخص… pic.twitter.com/JEKgXd84Kz— Farhan Khan (@TheFarhanAKhan) May 27, 2024
ریسکیو حکام نے بتایا ہے کہ مرنے والوں میں خواتین اور بچے بھی شامل ہیں، حادثے کے فوری بعد امدادی ٹیمیں موقع پر پہنچ گئیں جنہوں نے میتوں کو وہاں سے نکالا۔
دوسری جانب وفاقی وزیر داخلہ محسن نقوی نے شانگلہ میں ہونے والے ٹریفک حادثہ میں انسانی جانوں کے ضیاع پر دکھ اور افسوس کا اظہار کیا ہے۔
انہوں نے کہاکہ ہم مرنے والے افراد کے لواحقین کے دکھ درد میں برابر کے شریک ہیں۔
