ایک پھل فالسہ جو دکھنے میں چھوٹا لیکن غذائیت سے بھرپور ہوتا ہے اور اس کے نہار منہ کھانے کے فائدے بھی بے شمار ہیں جن کے بارے میں شاید آپ سوچ بھی نہیں سکتے۔
فالسے جیسی غذائیت سے بھرپور غذائیں صبح کے وقت کھانا آپ کے جسم میں وٹامنز اور منرلز میں اضافہ کرتا ہے، جس سے بھرپور توانائی ملتی ہےفالسے کا ایک پیالہ آپ کے جسم کو دن بھر کے لیے ٹھنڈا اور ہائیڈریٹ رکھتا ہے۔
مزید پڑھیں
صبح کے وقت فالسہ کھانا آپ کے نظام انہضام کو بہتر بناتا ہے اور میٹابولزم کو تیز کرتا ہے۔ علاوہ ازیں فالسہ کھانے سے آپ کے خون میں شوگر لیول کو مستحکم رکھنے میں بھی مدد ملتی ہے۔
ماہرین کا کہنا ہے کہ آپ بےشک روزانہ فالسے کھائیں لیکن اعتدال کا دامن نہ چھوڑیں، ایک دن میں زیادہ سے زیادہ تقریباً 100-150 گرام فالسے کھانے چاہییں، یہ تعداد فالسے کے فوائد سے لطف اندوز ہونے کے لیے کافی ہے۔
فالسہ ذیابیطس کے مریضوں کو بلڈ شوگر لیول کنٹرول کرنے میں ممکنہ طور پر مدد دے سکتا ہے، یہ ان لوگوں کے لیے مفید ہے جو بلڈ شوگر کنٹرول کرنے میں مدد کے لیے قدرتی طریقے تلاش کرتے ہیں، تاہم ماہرین کا کہنا ہے کہ اس حوالے سے مزید تحقیق کی ضرورت ہے۔
فالسہ کھانے سے ہاضمہ بہتر بنانے میں مدد ملتی ہے اور قبض سے بھی چھٹکارا ملتا ہے، مزید برآں فالسہ اینٹی آکسیڈنٹ ہوتا ہے، جو آپ کے جسم کو سوزش سے لڑنے میں مدد دیتا ہے۔