آپ نے ایک کہاوت تو سُنی ہوگی کہ لوگوں کا ناشتہ بادشاہوں جیسا ہونا چاہیے، اس کا مطلب ہے کہ ناشتہ مزیدار اور غذائیت سے بھرپور ہونا چاہیے۔ ماہرین صحت کے مطابق صبح کا ناشتہ صحت کے لیے سب سے اہم سمجھا جاتا ہے۔ اچھا ناشتہ نہ صرف آپ کو دن بھر توانائی فراہم کرتا ہے بلکہ یہ آپ کے میٹابولزم کو بھی بڑھاتا ہے۔ اس سے بلڈ شوگر اور موٹاپے کو کنٹرول کرنے میں مدد ملتی ہے۔ اس کے علاوہ صحت مند ناشتہ دل کی صحت اور گریٹیو فنکشن کو بہتر بناتا ہے۔ اس لیے ہر ایک کو روزانہ ناشتہ کرنا چاہیے۔
فوربس کی رپورٹ کے مطابق ناشتہ نہ کرنا صحت کے کئی مسائل کا باعث بن سکتا ہے۔ اس سے تناؤ، تھکاوٹ، موٹاپا اور ذیابیطس کا خطرہ بڑھ سکتا ہے۔ صبح کا ناشتہ نہ کرنے سے آپ کے بھوکے ہارمونز کنفیوز ہوجاتے ہیں۔ اس کی وجہ سے لوگ دن بھر بہت زیادہ کھاتے ہیں۔ اس لیے ڈائٹیشین اور نیوٹریشنسٹ ہمیشہ صحیح وقت پر ناشتہ کرنے کا مشورہ دیتے ہیں۔ اگر ہم ناشتے کے بہترین وقت کی بات کریں تو لوگوں کو صبح اٹھنے کے 2 گھنٹے کے اندر ناشتہ کرلینا چاہیے۔ بیدار ہونے کے بعد آپ جتنی جلدی ناشتہ کریں گے، یہ آپ کے میٹابولزم کے لیے اتنا ہی بہتر ثابت ہوگا۔
مزید پڑھیں
آسان زبان میں اگر آپ صبح 5 بجے اٹھتے ہیں تو آپ کو 7 بجے تک ناشتہ کر لینا چاہیے۔ اگر آپ 7 بجے اٹھتے ہیں تو آپ کو 9 بجے تک ناشتہ کر لینا چاہیے۔ اگر آپ صبح کے وقت جم جاتے ہیں تو، ورزش سے 20-30 منٹ پہلے کیلا یا ایوکاڈو ٹوسٹ جیسا ہلکا ناشتہ کرنا سب سے بہتر ہے۔ اگر آپ محسوس کرتے ہیں کہ آپ کا جسم جم میں بغیر کچھ کھائے پیئے بہتر کارکردگی کا مظاہرہ کرنے کی صلاحیت رکھتا ہے تو آپ جم میں پسینہ بہانے کے بعد ناشتہ کرسکتے ہیں۔ اگر آپ دفتر جاتے ہیں تو بھی کوشش کریں کہ ناشتہ صحیح وقت پر کرلیں۔
رات کے کھانے کے بہترین وقت کے بارے میں بات کریں تو لوگوں کو سونے سے کم از کم 2-3 گھنٹے پہلے رات کا کھانا کھانا چاہیے۔ اگر رات کا کھانا 10بجے یا اس سے پہلے کھا لیا جائے تو یہ زیادہ فائدہ مند ہوسکتا ہے۔ ایسا کرنے سے آپ کے جسم کو ہاضمے کے لیے کافی وقت ملے گا، کیونکہ سوتے وقت ہمارا میٹابولک ریٹ سست ہوجاتا ہے۔
اگر آپ کھانا کھانے کے فوراً بعد سو جائیں گے تو آپ کو بدہضمی کا مسئلہ درپیش ہو سکتا ہے۔ حال ہی میں سامنے آئی ایک تحقیق میں یہ بات سامنے آئی ہے کہ صحیح وقت پر ناشتہ اور رات کا کھانا آپ کے جسم میں جمع ہونے والی چربی کو کم کرے گا اور کئی بیماریوں سے بچائے گا۔
