سعودی عرب کی جنرل اتھارٹی برائے میڈیا ریگولیشن نے حج سیزن کے دوران میڈیا کوریج کے لیے ایک جدید اقدام کے تحت ڈیجیٹل کارڈ جاری کیا ہے۔
مزید پڑھیں
یہ کارڈ میڈیا وفود کے ارکان کو حج کی مناسک کی کوریج کی اجازت دیتا ہے اور انہیں مقدس مقامات پر عازمین حاج کے ساتھ نقل وحرکت میں آسانی فراہم کرتا ہے۔
اتھارٹی کے مطابق یہ اقدام ان کی مسلسل کوششوں کا حصہ ہے جس کا مقصد اپنی خدمات کو ڈیجیٹل اور عمومی طور پر میڈیا کے کام کو آسان بنانا ہے۔
خاص طور پر حج کے موسم کے دوران، مقامی اور بین الاقوامی میڈیا ٹیموں اور حکومتی اداروں کے ارکان جو حج سیزن کی کوریج میں شریک ہوتے ہیں، ’توکلنا‘ ایپ کے ذریعے اس ڈیجیٹل کارڈ کے لیے درخواست دے سکتے ہیں۔ اس کارڈ کو کسی بھی وقت مذکورہ ایپ ہی کے ذریعے دیکھ اور پوچھنے پر دکھا سکتے ہیں۔
اتھارٹی نے تمام متعلقہ افراد اور اداروں سے درخواست کی ہے کہ وہ اپنے سرکاری چینلز کے ذریعے ان سے رابطہ کریں تاکہ اپنے میڈیا فرائض کے لیے مناسب مدد حاصل کر سکیں اور اس سال کے حج سیزن کے پرمٹس سے متعلق اپنے سوالات کے جواب حاصل کر سکیں۔
