معروف بھارتی اداکارہ کنگنا رناوت نے اپنے انسٹا گرام اکاؤنٹ پر اپنی کامیابی کا اعلان کر دیا ہے۔
اداکارہ نے اپنی انسٹا پوسٹ میں لکھا کہ وہ تعاون، محبت اور اعتماد کے لیے منڈی کے تمام لوگوں کی تہہ دل سے شکرگزار ہیں۔ ان کا مزید کہنا تھا’ یہ آپ سب کی جیت ہے، یہ وزیر اعظم مودی اور بی جے پی کی جیت ہے۔‘ ان کی پوسٹ کے بعد صارفین کی جانب سے مبارکباد کا سلسلہ شروع ہوگیا۔
View this post on Instagram
یاد رہے کہ کنگنا رناوت پہلی مرتبہ اپنے ہوم ٹاؤن منڈی سے بھارتیہ جنتا پارٹی (بی جے پی) سے لوک سبھا الیکشن میں حصہ لے رہی تھیں۔
اس سے قبل بالی ووڈ اداکارہ نے عندیہ دیا تھا کہ وہ لوک سبھا الیکشن میں کامیابی کے بعد فلم انڈسٹری چھوڑ دیں گی۔
یاد رہے کہ تازہ ترین اعداد و شمار کے مطابق بی جے پی کی قیادت والے اتحاد این ڈی اے کو 298 سیٹوں پر سبقت جبکہ کانگریس کی قیادت والے اتحاد انڈیا کو 228 نشستوں پر سبقت حاصل ہے۔
