پاکستان تحریک انصاف کے سینیئر رہنماؤں بیرسٹر گوہر خان اور رؤف حسن نے متنازع ٹوئٹ کیس میں ایف آئی اے میں پیش ہوکر اپنا بیان ریکارڈ کرا دیا۔
ایف آئی اے سائبر کرائم نے رؤف حسن سے 4 گھنٹے تک تفتیش کی، جبکہ بیرسٹر گوہر سے 2 گھنٹے تک سوالات کیے گئے۔
مزید پڑھیں
تفتیشی ٹیم نے دونوں رہنماؤں کو 21 سوالوں پر مشتمل سوالنامہ بھی دیا۔
سوالنامے میں پوچھا گیا ہے کہ بانی پی ٹی آئی عمران خان کا ایکس اکاؤنٹ ان کی غیر موجودگی میں کون چلاتا ہے؟ اور کس کی اجازت سے مواد شیئر کیا جاتا ہے۔
ایف آئی اے نے سوال پوچھا ہے کہ متنازعہ ٹوئٹ کس کی اجازت سے شیئر کیا گیا اور ابھی تک ڈیلیٹ نہ کرنے کی کیا وجوہات ہیں۔
دونوں رہنماؤں نے الگ الگ سوالوں کا جواب نامہ تفتیشی ٹیم کو جمع کروا دیا اور الگ سے بیان بھی ریکارڈ کروایا۔
تفتیشی ٹیم دونوں رہنماؤں کے بیانات کا جائزہ لینے کے بعد دوبارہ طلب کرے گی، پی ٹی آئی رہنماؤں نے ایف آئی اے کو دوبارہ طلب کرنے پر پیش ہونے کی یقین دہانی کروائی ہے۔
تفتیش کے بعد رؤف حسن میڈیا کے سوالوں کا جواب دیے بغیر روانہ ہوگئے۔
