پاکستان کرکٹ ٹیم آج ٹی 20 ورلڈ کپ 2024 میں اپنا پہلا میچ میزبان ملک امریکا کے خلاف کھیلے گی۔ میچ پاکستانی وقت کے مطابق شام ساڑھے آٹھ بجے شروع ہوگا جبکہ ڈیلاس کے مقامی وقت کے مطابق صبح ساڑھے 10 بجے میچ کا آغاز ہوگا۔
امریکا میں موجود پاکستانی میچ کے لیے کافی پرجوش ہیں اور انہوں نے پاکستانی ٹیم کو سپورٹ کرنے کے لیے بڑی تعداد میں ٹکٹس خریدے ہیں۔ میچ کے حوالے سے تجزیہ کار بھی اپنی رائے دیتے نظر آتے ہیں۔
پاک امریکا میچ سے قبل پاکستان کرکٹ ٹیم کے سابق ڈائریکٹر محمد حفیظ کا بھی ایک بیان وائرل ہو رہا ہے جس میں وہ نجی ٹی وی پر گفتگو کرتے ہوئے کہتے ہیں کہ میں پاکستانی ٹیم کے لیے صرف یہ کہوں گا کہ کرکٹ کا میدان وہ واحد جگہ ہے جہاں ہم امریکا کو ہرا سکتے ہیں۔
Best wishes to team Pakistan 🇵🇰 vs USA #GameOnHai pic.twitter.com/e3vIRqVICA
— Mohammad Hafeez (@MHafeez22) June 6, 2024
محمد حفیظ کے بیان پر صارفین مختلف تبصرے کر رہے ہیں۔ کوئی محمد حفیظ کے بیان سے متفق نظر آیا کہ بالکل یہ واحد جگہ ہے جہاں امریکا کو ہرایا جا سکتا ہے تو کوئی یہ کہتا نظر آیا کہ ادھر بھی پاکستان کے ہارنے کا خدشہ ہے جبکہ کئی صارفین محمد حفیظ کے بیان پر ان کو تنقید کا نشانہ بناتے نظر آئے۔
ایک ایکس صارف نے محمد حفیظ کے بیان پر تبصرہ کرتے ہوئے کہا کہ یہاں بھی صرف لگتا ہے۔
Yaha b sirf lgta hai 🙂😒💔 https://t.co/orjnOdz3Ps
— 𝐀𝐖𝐄𝐋𝐀 𝐗 😇 (@Rehman7651) June 6, 2024
عمیر نامی صارف محمد حفیظ کے بیان سے متفق نظر نہ آئے ان کا کہنا تھا کہ اس واحد جگہ پر بھی پاکستان کے ہارنے کے امکانات ہیں۔
Yeh waaaahad jaga mai bhi harnay ki hi umeed hai..
— Umair (@Dr_MianUmair1) June 6, 2024
میاں فیصل آرائیں نے محمد حفیظ کے بیان پر ان کو آڑے ہاتھوں لیا اور تنقید کرتے ہوئے کہا کہ معذرت کے ساتھ آپ کے ہوتے ہوئے بھی ٹیم ایسی ہی ہوتی تھی، اپنی پرفارمنس کو بھول کر آپ اس وقت دوسروں کا مذاق اڑا رہے ہیں۔ صارف کا مزید کہنا تھا کہ آپ نے خود اپنے پورے کیریئر میں صرف ایک سال اچھی کرکٹ کھیلی ہے۔
معذرت کے ساتھ اپ کے ہوتے ہوئے بھی ٹیم ایسی ہی ہوتی تھی 😶😶😶
خود ڈیل سٹین کے سامنے بکری بننے والا اب دوسروں کو جگتے کرے گا 😶
پورے کیریئر میں صرف ایک سال اچھی کرکٹ کھیلی ہے آپ نے بس
باقی صرف بالنگ کے سہارے بچتے رہے https://t.co/9lyNMdqrkJ— MiaN Faisal ARaiN (PMLN) (@rehman7750) June 6, 2024
سعد لکھتے ہیں کہ ریٹائرمنٹ کے بعد یہ سب لوگ ایسے بیان دیتے ہیں جیسے اپنے وقت میں انہوں نے ورلڈ کپ جیتے ہوں۔
Retirement k BD ya bachy bn jaty Hain jasy inno NY sary world cup jety houn
— Saad (@Fasahat56) June 6, 2024
