سابق پاکستانی لیجنڈ معین خان کے بیٹے اعظم خان کی ٹی20 کرکٹ میں مسلسل خراب کارکردگی کا سلسلہ جاری ہے۔ گزشتہ روز امریکا کے خلاف میچ میں وہ ایک بار پھر صفر پر آؤٹ ہو کر پویلین لوٹے تو سوشل میڈیا پر ان کی فٹنس اور خراب فارمنس کو لے کر بھرپور تنقید شروع ہوگئی۔
مزید پڑھیں
امریکا کے خلاف دوسری اننگز میں جب پاکستانی ٹیم میدان میں اتری تو خلاف توقع محمد رضوان نے وکٹ کیپنگ کی ذمہ داری سنبھالی جبکہ اعظم خان کو فیلڈنگ کروائی گئی، تاہم بابر اعظم نے ان کو ایسی جگہ کھڑا کیا جہاں پر بال بہت کم جاتی ہے۔
اعظم خان بمشکل ایک دو بار اسکرین پر نظر آئے کیونکہ وہ تھرڈ مین پوزیشن پر فیلڈنگ کررہے تھے اور ایسا محسوس ہورہا تھا جیسے بابر اعظم نے انہیں کہیں چھپا دیا ہے۔
بعد ازاں، پاکستانی بیٹنگ کے دوران اعظم خان جب صفر پر آؤٹ ہوئے تو واپس پویلین کی طرف جاتے ہوئے ان کا سامنا ایک پرستار سے ہوا۔ اعظم خان ناراض چہرہ لیے مداح کی طرف بڑھے اور پھر پویلین لوٹ گئے۔
خیال ظاہر کیا جارہا ہے کہ تماشائیوں میں بیٹھے کسی شخص نے اعظم کو کچھ کہا تھا جس کے باعث وہ غصے میں آگئے تھے۔
