قومی ریسلر رستم پاکستان انعام بٹ نے دعویٰ کیا ہے کہ وہ صرف 3 ماہ میں قومی کرکٹر اعظم خان کو فٹ کرسکتے ہیں۔
نجی ٹی وی سے گفتگو کرتے ہوئے انہوں نے کہاکہ اعظم خان کو 3 ماہ گوجرانوالہ کے اکھاڑے میں ٹریننگ کرنا ہوگی اور مکمل فٹ ہوجائیں گے۔
مزید پڑھیں
انعام بٹ نے کہاکہ ٹریننگ سے اعظم خان کے وزن میں 30 سے 35 کلو تک کمی آجائے گی۔
قومی ریسلر نے مزید کہاکہ اعظم خان کو روزانہ پہلوانوں کے ساتھ 5 سے 6 گھنٹے کی ٹریننگ دی جائے گی، اور اس دوران ان کی خوراک کا بھی خیال رکھا جائے گا تاکہ طاقت میں کمی نہ آئے۔
انعام بٹ نے کہاکہ ہمارے پاس 3 ماہ کی ٹریننگ کے بعد اعظم خان بہترین بیٹنگ کرنے کے قابل ہوں گے۔
واضح رہے کہ اعظم خان قومی کرکٹ ٹیم کا حصہ ہیں، تاہم وزن زیادہ ہونے کی وجہ سے وہ اچھا کھیل نہیں پیش کرپارہے اور تنقید کا بھی سامنا کرنا پڑتا ہے۔
ٹی20 ورلڈ کپ کے پہلے میچ میں اعظم خان امریکا کے خلاف صرف رنز پر آؤٹ ہوگئے تھے۔
