سعودی عرب کے اٹارنی جنرل شیخ سعود المعجب نے مقدس مقامات میں استغاثہ دفاتر کا دورہ کیا، جہاں انہوں نے حج 2024 کی تیاریوں اور انتظامات کا تفصیلی جائزہ لیا۔
اس دورے کا مقصد کام کی روانی، عازمینِ حج کو فراہم کی جانے والی سروسز اور ان سے متعلقہ کارروائیوں کی جلدی تکمیل کا معائنہ کرنا تھا۔
مزید پڑھیں
شیخ سعود المعجب نے دورے کے دوران مقدس مقامات میں استغاثہ کی جدید عمارت کا افتتاح بھی کیا۔ انہوں نے عدالت کی فوری فراہمی اور سعودی قیادت کی ہدایات کے نفاذ کی کوششوں کو بڑھانے کی تصدیق کی تاکہ حاجیوں کو بہترین سروسز فراہم کی جاسکیں اور وہ اپنے اہل خانہ کے پاس سلامت اور خوشی سے واپس جا سکیں۔
دورے کے اختتام پر شیخ سعود المعجب نے میدان میں کام کرنے والے عملے کا شکریہ ادا کیا اور سب کے لیے مسلسل کامیابی اور خوشحالی کی دعا کی۔
یہاں یہ بات قابل ذکر ہے کہ سعودی اٹارنی جنرل شیخ سعود المعجب پہلے ہی (ترجمان) ڈیوائس کا افتتاح کرچکے ہیں، جو کہ مصنوعی ذہانت کی تکنیک سے تیار کردہ پہلا قومی منصوبہ ہے۔
(ترجمان) ڈیوائس کے ذریعہ ملزمان کے بیانات کا فوری ترجمہ کرنا ممکن ہے جس میں لغوی غلطی کی شرح (صفر فیصد) ہے، اس ڈیوائس کو اس سال حج میں پہلی بار استعمال کیا جائےگا۔
