حرمین شریفین کے مذہبی امور کے سربراہ ڈاکٹر شیخ عبد الرحمٰن السدیس نے ذی الحجہ کے آئندہ 10 دنوں کے لیے متعدد سرگرمیوں اوراقدامات کو فعال کردیا ہے۔خاص طور پر قرآن کریم کی تقسیم پرزوردیا جا رہا ہے۔
مزید پڑھیں
مذہبی امور پریزیڈینسی برائے حرمین شریفین نے (ہدیۃ المصاحف) پروگرام کو مزید تیز کردیا ہے، جس کے تحت عازمین حج کے مذہبی تجربات کو بہتر اور قرآن کریم کی ہدایات سے بہرہ مند کرنے کے لیے قرآن کریم اورعالمی زبانوں میں ترجمہ شدہ مصاحف بطور ہدیہ دیے جاتے ہیں۔
مذہبی امور کے سربراہ، شیخ ڈاکٹرعبدالرحمٰن السدیس نے بتایا کہ پریزیڈینسی نے ذی الحجہ کے 10 دنوں کے ساتھ ہی حرمین شریفین میں مذہبی سرگرمیوں کی تعداد بڑھانے کی مکمل تیاری کر کے اسے عملی جامہ پہنایا ہے تاکہ دنیا بھر سے آئے ہوئے عازمین کے تجربات کو بہتر بنایا جاسکے اور وہ حج کی سعادت حاصل کر سکیں۔
انہوں نے بتایا کہ حج سیزن 2024 میں پریزیڈینسی کا ہدف ہے کہ عازمین حج میں ایک ملین ترجمہ شدہ مصاحف بطور ہدیہ تقسیم کیے جائیں تاکہ حجاج کرام قرآن کریم کی آیات سے فیض یاب اور اس کی ہدایات پر عمل کر سکیں اور اس راستے پر چل سکیں جو ان کے دین ودنیا اور حج کو محفوظ بنائے۔