ڈیرہ اسماعیل خان کی رہائشی 2 بہنیں، اقرا جاوید اور اریبہ جاوید، خود تو ایک مرلہ مکان میں رہتی ہیں مگر دنیا فتح کرنے کے ارادے اور حوصلے رکھتی ہیں۔
وہ تائیکوانڈو کے نیشنل اورانٹرنیشنل سطح پر کئی مقابلے جیت چکی ہیں اور گولڈ میڈلز سمیت مختلف اعزازات اپنے نام کر چکی ہیں۔
ان کے والد ایک درزی ہیں جبکہ والدہ لیڈی ہیلتھ ورکر۔ دونوں اپنی بیٹیوں کی نہ صرف کھیل بلکہ پڑھائی میں بھی اپنی بساط سے بڑھ کر سپورٹ کر رہے ہیں۔
اقرا اور اریبہ کو فخر ہے کہ ان کے والد محنت سے حلال رزق کماتے ہیں اور ماں گھر گھر جا کر بچوں کو پولیو کے قطرے پلاتی ہیں۔
ان بہنوں کے بارے میں مزید جانیں نصیراعظم محسود کی اس ویڈیو رپورٹ میں۔۔۔۔