ہرانسان کی جسمانی ضروریات مختلف ہوتی ہیں، سب کو اپنی غذا کا استعمال انہی کے پیش نظر کرنا چاہیئے۔
اس حوالے سے نیوٹریشنسٹس کا کہنا ہے کہ صبح اٹھ کر نہار منہ پانی پینا بہت فائدہ مند ہے، لیکن ضروری نہیں کہ اگر کچھ لوگوں کو صبح نہار منہ پانی پینے سے فائدہ ہوتا ہے تو سبھی کو ہو گا۔
نیم گرم پانی میں شہد ملا کر پینے کے بہت فوائد ہیں لیکن اکثر لوگ شہد کو تیز گرم پانی میں پلا کر پینے کی غلطی کرتے ہی جوکہ بالکل سودمند نہیں ہے۔
صبح سویرے اٹھ کر سیب کا استعمال بہت زیادہ مفید ثابت ہوتا ہے، اس کے ساتھ ساتھ سبزیوں میں نہار منہ شکر کندی کا استعمال بہت زیادہ فائدہ پہنچاتا ہے۔
اکثر لوگ نہار منہ چائے کا استعمال کرتے ہیں لیکن اس سے گریز کرنے کی ضرورت ہے کیونکہ اس سے تیزابیت کا خطرہ ہوتا ہے۔ اس کے ساتھ ساتھ ادرک اور لہسن کا استعمال بھی تیزابیت کا باعث بنتا ہے لہذا نہار منہ ان کے استعمال نہیں کرنا چاہیئے۔
اکثر لوگوں کی شکایت ہوتی ہے کہ وہ صبح سویرے بھاری ناشتہ نہیں پاتے۔ یہ کوئی بیماری نہیں بلکہ ایک عادت ہے جس سے نجات حاصل کرنا بہت مشکل کام ہے، ایسے لوگوں کو چاہیئے کہ ناشتے میں دلیہ اور دودھ کا استعمال کرنے کی کوشش کریں۔
