ٹی20 ورلڈ کپ کا پہلا مرحلہ مکمل ہوا۔ اب کرکٹ ٹورنامنٹ کا دوسرا مرحلہ’ سپر 8 ‘ شروع ہونے جا رہا ہے جس میں پہنچنے والی ٹیموں میں انڈیا، امریکا، آسٹریلیا، انگلینڈ، ویسٹ انڈیز، افغانستان، جنوبی افریقہ اور بنگلہ دیش شامل ہیں۔
سپر8 مرحلے میں امریکا، بھارت، گروپ اے میں جبکہ آسٹریلیا، انگلینڈ، افغانستان، ویسٹ انڈیز گروپ سی جبکہ جنوبی افریقہ اور بنگلا دیش گروپ ڈی سے پہنچی ہیں۔
سپر8 مرحلے میں دو گروپ ہیں۔ پہلے گروپ میں انڈیا، آسٹریلیا، افغانستان اور بنگلہ دیش ہوں گی جبکہ دوسرے گروپ میں ویسٹ انڈیز، انگلینڈ، جنوبی افریقہ اور امریکا کی ٹیمیں ہوں گی۔
سب ٹیمیں 3، 3 میچز کھیلیں گی۔ اس کے بعد دونوں گروپوں میں سے 2، 2 ٹیمیں سیمی فائنل کے لیے کوالیفائی کریں گی۔
واضح رہے کہ سپر8 مرحلے کے سارے میچز ویسٹ انڈیز میں ہوں گے۔ یہ مرحلہ 19 جون سے 24جون تک جارہی رہے گا۔
گزشتہ روز ٹی20ورلڈ کپ کے 36 ویں میچ میں پاکستان نے آئر لینڈ کے خلاف 3 وکٹوں سے کامیابی حاصل کی۔
پاکستان نے مطلوبہ ہدف 18 ویں اوور کی آخری گیند پر اس وقت پورا کرلیا جب شاہین شاہ آفریدی نے ڈیلنے کو ایک شاندار چھکا لگایا۔ پاکستان نے ہدف 7 وکٹوں کے نقصان پر پورا کیا۔ پاکستان کی طرف سے سب سے زیادہ اسکور کپتان بابر اعظم نے 32 بنائے۔
اس سے پہلے آئرلینڈ کی کرکٹ ٹیم نے پاکستان کے خلاف کھیلتے ہوئے مقررہ 20اوورز میں 106 رنز بنائے اور اس کے 9 کھلاڑی آؤٹ ہوئے۔ آئرلینڈ کا کوئی بھی کھلاڑی وکٹ پر کھڑا ہونے میں کامیاب نہیں ہوسکا۔ صرف 4 بلے باز دوہرے ہندسے میں داخل ہوسکے۔ سب سے زیادہ رنز گریتھ ڈیلانے نے بنائے۔ انہوں نے 31اسکور کیا۔ مارک ایڈیئر نے 15، جارج ڈوکریل نے 11 رنز بنائے۔ جوش لٹل 22رنز بنا کر ناٹ آؤٹ رہے۔
پاکستان کی طرف سے شاہد شاہ آفریدی اور عماد وسیم نے 3، 3 وکٹیں حاصل کیں، محمد عامرنے 2 جبکہ ایک وکٹ حارث رؤف کے حصے میں آئی۔
آئرلینڈ کے خلاف کامیابی بھی پاکستان کے کسی کام نہیں آئی کیونکہ پاکستان پہلے ہی ٹورنامنٹ سے آؤٹ ہوچکا ہے۔
