فیصل آباد میں مشروب ساز کمپنی کے ٹرک کو حادثہ پیش آیا، حادثے کے بعد ڈرائیور بوتلوں سے بھرا ٹرک چھوڑ کر فرار ہوگیا جس کے بعد عوام کی بڑی تعداد بوتلیں اٹھا کر گھروں کو روانہ ہو گئی۔ واقعہ کی ویڈیو سوشل میڈیا پر وائرل ہو گئی جس پر صارفین کی جانب سے عوامی رد عمل پر افسوس کا اظہار کیا جا رہا ہے۔
ڈسٹرکٹ ٹیچر ایجوکیٹر پنجاب کے سماجی رابطوں کی سائیٹ ایکس پر پوسٹ کرتے ہوئے کہا کہ بوتلوں سے لدے ٹرک کا ایکسیڈنٹ ہوا جس پر ڈرائیور گاڑی چھوڑ کر بھاگ گیا، بعد میں ہماری عوام کی نظر بوتلوں پر پڑی تو ساری بوتلیں اٹھائیں اور اپنے گھروں کو لے کر فرار ہو گئے۔ انہوں نے سوال کیا کہ بحیثیت قوم ہم کہاں کھڑے ہیں ؟
یہ واقعہ آج کا ہے علاقہ 203 ر ب چھوٹا مانا والا جہاں پر یہ بوتلوں سے لدے ٹرک کا ایکسیڈنٹ ہوا اور ڈرائیور گاڑی چھوڑ کر بھاگ گیا تو بعد میں ہماری عوام نے نظر بوتلوں پر پڑی ٹو ساری بوتلیں اٹھائی اور اپنے گھروں کو لے کر فرار ہو گئے۔
بحیثیت قوم ہم کہاں کھڑے ہیں ؟ pic.twitter.com/ifl4byZgvu— DTE PUNJAB DSD (@DsdDte) June 18, 2024
ایک صارف نے بوتلیں اٹھانے والی عوام پر تنقید کرتے اور افسوس کا اظہار کرتے ہوئے لکھا کہ ہم وہی لوگ نہیں ہیں جو دن رات کہتے نہیں تھکتے کہ اسرائیلی پروڈکٹس کا بائیکاٹ کیا جائے۔
ہم وہی لوگ نہیں ہیں جو دن رات کہتے نہیں تھکتے کہ اسرائیلی پروڈکٹ کا بائیکاٹ. افسوس صد افسوس.. https://t.co/5pho3OEjrz
— Kashif Paracha (@kashifparacha1) June 20, 2024
عبدالشکور نامی صارف لکھتے ہیں کہ خوف کے باعث ڈرائیور بوتلوں سے بھرا ٹرک چھوڑ کر فرار ہو گیا اور عوام اس کو لوٹنے پہنچ گئی۔ انہوں نے لکھا کہ ویسے ہم سب پاکستانیوں نے اسرائیلی پراڈکٹ کوکا کولا کا بائیکاٹ کیا ہوا ہے ۔
فیصل آباد چک نمبر 203 رب چھوٹا مانوالا کےقریب کوک کمپنی کے ڈلیوری ٹرک کو حادثہ پیش آیا، خوف کے باعث ڈرائیور بوتلوں سے بھرا ٹرک چھوڑ کر فرار ہو گیا۔
ویسے ہم سب پاکستانیوں نے کوک کا بائیکاٹ کیا ہوا ہے -!!!' pic.twitter.com/DFYKeCaUor— Abdul Shakoor Chacha (@chachanewss) June 19, 2024
ایک ایکس صارف نے عوام کے کوکا کولا کی بوتلیں اٹھا کر فرار ہونے پر لکھا کہ فیصل آباد میں مسلمان یہودی پراڈکٹس بغیر پیسوں کے لے جا کر اسرائیل کی اکانومی کو نقصان پہنچاتے ہوئے۔
فیصل آباد میں مسلمان یہودی پراڈکٹس بغیر پیسوں کے لے جا کر اسرائیل کی اکانومی کو نقصان پہنچاتے ہوئے pic.twitter.com/w8XJo6SU00
— Pehn Di Siri (@PehnDiSiri) June 19, 2024
نصیر اعوان نے طنزاً لکھا کہ اگر یہ بوتلیں خالی ہوتیں توعوام وہ بھی اپنے ساتھ لے جاتی کہ یہ پانی سے بھر کر فریج میں رکھیں گے، یہ بوتلیں تو پھر ڈرنکس سے بھری ہیں اور ایسا موقعہ پھر کہاں ملے گا ان لوگوں کو۔
اگر یہ بوتلیں خالی ہوتیں تو عوام وہ بھی لے جاتی پانی بھر کر فریج میں رکھنے کے لیئے
اور یہ تو پھر ڈرنکس سے بھری ہوئی ہیں 😂😂
ایسا موقعہ پھر کہاں ملے گا ان کو ؟؟ 🤔 pic.twitter.com/QXgNjRLBK8
— Naseer Awan(نصیر اعوان) (@MNasAwan555) June 19, 2024
اطہر سلیم نے لکھا کہ ہماری عوام کی نظر بوتلوں پر پڑی تو ساری بوتلیں اٹھائی اور اپنے گھروں کو لے کر فرار ہو گئے۔ لیکن چور حکمران ہیں اور امریکہ یہ سب کروا رہا ہے۔
یہ واقعہ علاقہ 203 ر ب چھوٹا مانا والا پر پیش آیا جہاں پر یہ بوتلوں سے لدے ٹرک کا ایکسیڈنٹ ہوا اور ڈرائیور گاڑی چھوڑ کر بھاگ گیا تو بعد میں ہماری عوام کی نظر بوتلوں پر پڑی ٹو ساری بوتلیں اٹھائی اور اپنے گھروں کو لے کر فرار ہو گئے۔
لیکن چور حکمران ہیں اور امریکہ یہ سب کروا رہا… pic.twitter.com/zOiPyabdWv— Athar Saleem® (@AtharSaleem01) June 19, 2024
یاد رہے کہ اکتوبر 2023 سے غزہ پر جاری اسرائیلی جارحیت کے خلاف دنیا بھر میں کئی برینڈز کے بائیکاٹ کا اعلان کیا گیا ہے جن میں میکڈونلڈ اور کے ایف سی کے علاوہ کوکا کولا، نیسلے اور دیگر برانڈز بھی شامل ہیں۔
