وفاقی وزیر داخلہ محسن نقوی نے وزیراعظم آزاد کشمیر کی درخواست پر آزاد کشمیر میں فرنٹیئر کانسٹیبلری تعینات کرنے کی منظوری دے دی ہے۔ وزیر داخلہ کہتے ہیں کہ حکومت پاکستان آزاد کشمیر حکومت اور عوام کے ساتھ کھڑی ہے، آزاد کشمیر میں قیام امن کے لیے ہر ممکن تعاون کریں گے۔
مزید پڑھیں
وزیراعظم آزاد کشمیر چوہدری انوارالحق نے اسلام آباد میں وفاقی وزیر داخلہ و انسداد منشیات محسن نقوی سے ملاقات کی جس میں آزاد کشمیر میں امن وامان اور سیکیورٹی صورتحال اور نئے مالی سال کے بجٹ پر بات چیت کی گئی۔
وفاقی وزیر داخلہ محسن نقوی نے وزیراعظم آزاد کشمیر کی درخواست پر آزاد کشمیر میں ایف سی تعینات کرنے کی منظوری بھی دی۔ کہا کہ آزاد کشمیر میں سیکیورٹی سے متعلق انتظامات کو بہتر بنایا جائے گا۔ آزاد کشمیر کی خوشحالی اور ترقی کے لیے ہر ممکن تعاون کیا جائے گا۔ وزیراعظم آزاد جموں و کشمیر نے مسائل کے حل کے لیے فوری اقدامات پر محسن نقوی کا شکریہ ادا کیا۔
