اقلیتوں اور مذہبی آزادی کے حوالے سے قرار داد پنجاب اسمبلی میں جمع کراتے ہوئے حکومتی اراکین کی جانب سے ملک میں ہجوم کے ہاتھوں قتل کے ہولناک واقعات کی شدید مذمت کی گئی ہے۔
پنجاب اسمبلی میں قرار داد مسلم لیگ ن کی راحیلہ خادم حسین ، علی حیدر گیلانی ، فابلوس کرںسٹو سمیت دیگر اراکین صوبائی اسمبلی نے جمع کرائی ہے۔
قرارداد کے متن کے مطابق اراکین اسمبلی وفاق اور صوبائی حکومتوں سے مذہبی اقلیتیں ، اور معاشرے کے دیگر شہریوں کے تحفظ کو یقینی بنانے کا مطالبہ کرتے ہیں۔
’ملک میں ہونے والے ہولناک واقعات کی شدید مذمت کرتے ہیں، کسی بھی مذہب اور معاشرے میں یہ برداشت نہیں کیا جا سکتا، فوری طور پر تمام ضروری اقدامات کریں اور واقع میں ملوث افراد کی نشاہدہی کو یقینی بنایا جائے۔‘
حکومتی اراکین کی جانب سے مجوزہ قرارداد میں کہا گیا ہے کہ ایوان اس بات کی توقع کرتا ہے کہ عدالتی انصاف کی فراہمی کو فوری یقینی بنایا جائے گا۔
