فیصل واوڈا توہین عدالت کیس نے میں سپریم کورٹ سے غیر مشروط معافی مانگ لی۔
توہین عدالت کیس کا سامنا کرنے والے رکن قومی اسمبلی فیصل واوڈا نے سپریم کورٹ میں غیرمشروط معافی مانگتے ہوئے کہا ہے کہ میں خود کو سپریم کورٹ کے رحم و کرم پر چھوڑتا ہوں، میرے خلاف توہین عدالت کی کاروائی ختم کی جائے۔
فیصل واوڈا کا کہنا تھا کہ میری پریس کانفرنس سے عدلیہ کا وقار مجروح ہوا تو غیر مشروط معافی مانگتا ہوں، میری پریس کانفرنس کا مقصد عدلیہ کی توہین نہیں تھا۔
فیصل واوڈا نے سپریم کورٹ میں شوکاز کا نیا جواب جمع کروا دیا، جمع کروائے گئے جواب میں قرآن و احادیث کے حوالہ جات بھی دیے گئے ہیں،جس میں سپریم کورٹ سے استدعا کی گئی ہے کہ توہین عدالت میں جاری کردہ شوکاز نوٹس واپس لیا جائے۔
مزید پڑھیں
اس سے قبل فیصل واوڈا نے غیر مشروط معافی نہیں مانگی تھی اور انہوں نے سپریم کورٹ کے سامنے مؤقف اختیار کیا تھا کہ وہ خود پر لگے الزامات سے متعلق وضاحت دینا چاہتے ہیں جبکہ ایم این اے مصطفٰی کمال نے غیر مشروط معافی مانگی تھی۔
واضح رہے کہ فیصل واوڈا نے 15 مئی کو ایک پریس کانفرنس میں اسلام آباد ہائی کورٹ کے جسٹس بابر ستار کے امریکی گرین گارڈ سے متعلق گفتگو کی تھی۔
