کرینہ کپور نے واٹس ایپ چینل شروع کردیا

بالی ووڈ اداکارہ کرینہ کپور خان نے اپنا آفیشل واٹس ایپ چینل شروع کرنے کا اعلان کیا ہے جہاں وہ مداحوں کے سوالات کے جواب دیں گی اور اپنی ذاتی زندگی سےمتعلق معلومات بھی شیئر کریں گی۔

بھارتی میڈیا کے مطابق اپنے کرینہ کپور خان نے حال ہی میںانکشاف کیا کہ ان کے چیٹ گروپ کا نام ’گٹس 2.0‘ ہوگا۔

ایک پروموشنل ویڈیو میں کرینہ نے چکن کری رائس اور راجما (لوبیا) چاول جیسے روایتی ہندوستانی کھانوں سے اپنی رغبت ظاہر کی۔

جب ان سے پوچھا گیا کہ کون سا ایموجی ان کی بہترین وضاحت کرتا ہے تو انہوں نے کوئین ایموجی کا انتخاب کیا اور اپنے شوہر سیف علی خان کے لیے ایک گھومتی ہوئی آنکھوں والا ایموجی منتخب کیا۔

کرینہ نے یہ بھی انکشاف کیا کہ ان کا چھوٹا بیٹا جئے سب سے زیادہ شرارتی ہےاور یہ کہ ان کی بہن کرشمہ کپور (لولو) ان کی سب سے زیادہ واٹس ایپ چیٹ پارٹنر ہیں اور ان کے درمیان روزانہ سیکنڑوں واٹس ایپ میسجز کا تبادلہ ہوتا ہے۔

اپنے انٹرویو میں کرینہ کی ذہانت اور طنز و مزاح عروج پر رہی جس کے باعث بھی اب ان کے مداح مزید گپ شپ کے لیے ان کے واٹس ایپ چینل میں شامل ہونے کے لیے بے تاب ہیں۔

اگر آپ بھی کرینہ کپور کے فین ہیں تو پھر انتظار کس بات کا کر رہے ہیں۔ یہ خبر اب ختم ہوئی اب آپ واٹس ایپ پر جائیں اور کرینہ کا چینل فالو کریں تاکہ آپ بھی ان کی گپ شپ سے براہ راست حظ اٹھا سکیں۔