وی لاگر ’ڈکی بھائی‘ کی بیگم کے ہاتھوں پٹائی والی ویڈیو کڑی تنقید کی زد میں

پاکستان کے یوٹیوبر سعد رحمان المعروف ڈکی بھائی اس وقت سوشل میڈیا پر بہت زیادہ فالو کی جانے والی مشہور شخصیات میں شامل ہیں۔

یوٹیوب پر ان کے 74 لاکھ فالوورز ہیں۔ انہوں نے ایک روسٹنگ چینل کے طور پر شروعات کی جو بعد میں وی لاگنگ اور پرینک چینل بن گیا جہاں وہ اپنی فیملی کے ساتھ ویڈیوز بناتے ہیں۔

ان ویڈیوز میں ڈکی بھائی کی اہلیہ عروب جتوئی بھی نظر آتی ہیں اور حال ہی میں اس جوڑے نے ایک پرینک فلمایا جس میں ڈکی بھائی کی ساس بھی تھیں۔ اس پرینک کے وائرل ہونے کے بعد جوڑے پر خاصی تنقید کی جا رہی ہے۔

مذاق پر مبنی اس ویڈیو میں دکھایا گیا کہ عروب جتوئی نے اپنی والدہ کے سامنے اپنے شوہر ڈکی کو تھپڑ مارا۔ انہوں نے اس ویڈیو کو سوشل میڈیا پر پوسٹ کیا ہے جس کے بعد دونوں پر تنقید کا سلسلہ شروع ہوچکا ہے۔

ویڈیو پر تنقید کرتے ہوئے لوگوں نے اسے فضول قرار اور ہتک آمیز قرار دیا۔

کچھ نقادوں نے کہا کہ یہ بدسلوکی کو ایک اچھا کام قرار دینے یا اسے بڑھاوا دینے کی کوشش لگتی ہے۔

اس حوالے سے کچھ لوگوں نے ایک اہم سوال اٹھایا جو یہ تھا کہ اگر اس ویڈیو میں مرد کی بجائے خاتون پر تھپڑ پڑتے دکھایا جاتا تو لوگوں کا ردعمل کیا ہوتا۔ ان کا مطلب یہ تھا کہ اس طرح ایک خاتون پر زیادتی دکھائے جانے پر اسے انتہائی برا مذاق تصور کیا جاتا۔