اے پی پی کے مطابق بھارت اور جنوبی افریقہ کی ویمن کرکٹ ٹیموں کے درمیان 3 ٹی 20 بین الاقوامی میچوں پر مشتمل سیریز کا پہلا میچ 5 جولائی بنگلورو میں کھیلا جائے گا۔
مزید پڑھیں
اس سے قبل دونوں ٹیموں کے درمیان کھیلی گئی 3 ایک روزہ بین الاقوامی میچوں پر مشتمل سیریز میزبان بھارتی ٹیم نے 0-3 سے اپنے نام کرلی تھی۔
بھارتی ویمن ٹیم نے 16 جون کو ایم چناسوامی اسٹیڈیم بنگلورو میں کھیلے گئے پہلے ون ڈے میچ میں جنوبی افریقہ کی ویمن ٹیم کو 143 رنز، 19 جون کو کھیلے گئے دوسرے میچ میں 4 رنز جبکہ 23 جون کو کھیلے گئے میچ میں مہمان جنوبی افریقہ کی ٹیم کو 6 وکٹوں سے شکست دے کر سیریز کلین سویپ کیا تھا۔
تینوں ون ڈے میچز ایم چناسوامی اسٹیڈیم بنگلورو میں کھیلے گئے تھے۔ 3 ٹی 20 میچوں کی سیریز کا دوسرا میچ 7جولائی اور تیسرا اور آخری ٹی 20 میچ 9 جولائی کو کھیلا جائےگا۔ تینوں ٹی ٹونٹی میچز ایم چناسوامی اسٹیڈیم بنگلورو میں کھیلے جائیں گے۔
