آج کل بجلی کے بھاری بھرکم بلوں پر جہاں عوام شدید غصے کا اظہار کرتی نظر آ رہی ہے وہیں پر اب پاکستان کی معروٖف صحافی ریحام خان بھی جون کے مہینے کا بل دیکھ کر تلملا اٹھی ہیں۔
یہ بھی پڑھیں:بجلی کے ہوشربا بلز: معذور شہری نے اپنے جسمانی اعضا فروخت کرنیکا اعلان کردیا
مائیکرو بلاگنگ سائٹ ایکس پر ریحام خان نے پوسٹ جاری کرتے ہوئے بتایا کہ ماہ جون کے مہینے میں انہیں 59 ہزار 471 ’’ کے بل آیا ہے۔ انہوں نے لکھا مجھے ابھی جون کے مہینے کا بجلی کا بل موصول ہوا ہے۔حلانکہ میں اپنے لاہور والے گھر میں صرف 12 دن رہی ہوں اور ایک کمرے میں صرف ایک اے سی استعمال کیا ہے جو کہ بالکل نیا ہے۔
ریحام خان نے اپنی پوسٹ میں حکومت کو بے حس قرار دیتے ہوئے مزید لکھا کہ،’اب کراچی جیسے شہر میں اگر ایک شخص جس کی کمائی 1 یا 2 لاکھ ہے اور چھوٹے بچے اسکول یا کالج میں پڑھتے ہیں وہ یہ کیسے برداشت کر سکتا ہے یا ایک ریٹائرڈ پنشنر یہ کیسے برداشت کر سکتا ہے؟۔
یہ بھی پڑھیں:بجلی کے بل کو کیسے کیلکولیٹ کیا جارہا ہے؟
سابق وزیراعظم عمران خان کی سابقہ اہلیہ نے مزید یہ کہا کہ یہ حکومت مجرمانہ بے حسی کا مظاہرہ کر رہی ہے۔
