نئے اسلامی سال محرم الحرام کا چاند نظر نہیں آیا جس کے باعث اب یکم محرم الحرام 8 جولائی بروز پیر کو ہوگی اور یوم عاشور 17 جولائی بروز بدھ کو ہوگا۔
مرکزی رویت ہلال کمیٹی کا اجلاس چیئرمین مولانا عبدالخبیر آزاد کی زیرصدارت کوئٹہ میں ہوا، جبکہ زونل کمیٹیوں کے اجلاس بھی اپنے اپنے مقررہ مقامات پر ہوئے۔
یہ بھی پڑھیں رواں سال عاشورہ پر کتنی چھٹیاں ہوں گی؟
چیئرمین مرکزی رویت ہلال کمیٹی مولانا عبدالخبیر آزاد نے پریس کانفرنس کرتے ہوئے بتایا کہ محرم الحرام کا چاند نظر نہیں آیا جس کے باعث نئے اسلامی سال کا آغاز 8 جولائی بروز پیر سے ہوگا۔
مولانا عبدالخبیر آزاد نے کہاکہ یوم عاشور 17 جولائی بروز بدھ کو ہوگا۔
