ہالی ووڈ اداکار اور ریسلر جان سینا نے ڈبلیو ڈبلیو ای سے ریٹائرمنٹ کا اعلان کردیا۔
غیر ملکی میڈیا رپورٹس کے مطابق، ورلڈ ریسلنگ اینٹرٹیمنٹ (ڈبلیو ڈبلیو ای) کے سابق چیمپئین جان سینا نے گزشتہ روز ٹورونٹو میں ’ منی ان دی بینک‘ ایونٹ میں اپنی ریٹائرمنٹ کے فیصلے سے مداحوں کو آگاہ کیا۔ انہوں نے بتایا کہ 2025 ریسل مینیا 41 ان کے کیرئیر کا آخری ٹورنامنٹ ہوگا۔
یہ بھی پڑھیں: نامور بھارتی خاتون ریسلر نے اپنے میڈلز سڑک پر کیوں پھینکے؟
اس دوران وہاں موجود مداحوں نے ’نہیں، نہیں‘ کے نعرے لگائے جس پر جان سینا نے ان کا شکریہ ادا کیا اور کہا کہ ڈبلیو ڈبلیو ای میں کام کے دوران انہیں کئی مشکلات کا سامنا کیا، لوگوں کی محبت نے آگے بڑھنے میں مدد کی۔
واضح رہے کہ جان سینا 2021ء میں ڈبلیو ڈبلیو ای کا حصہ بنے، اپنے 20 سالہ ڈبلیو ڈبلیو ای کیرئیر میں جان سینا 16 بار چیمپیئن بنے۔ انہوں نے دی راک، ٹرپل ایچ، سی ایم پنک، رینڈی اورٹن جیسے بڑے ریسلرز کے ساتھ یادگار مقابلے کیے۔
یہ بھی پڑھیں: ایبٹ آباد آپریشن پر ہالی ووڈ نے کتنی فلمیں بنائیں؟
جان سینا نے 2006ء میں ہالی ووڈ میں بطور اداکار اپنا کیریئر شروع کیا۔ وہ دی میرین، فاسٹ ایکس، دی انڈیپنڈنٹ، بمبل بی اور فری لانس جیسی ایکشن اور ایڈونچر سے بھرپور فلموں میں اداکاری کے جوہر دکھا چکے ہیں۔
