وزیر دفاع خواجہ آصف نے کہا ہے کہ جو لوگ کل تک فون ٹیپنگ کی تعریفیں کررہے تھے آج مخالفت کررہے ہیں، عمران خان اپنے دور حکومت میں تو اس کے فوائد بیان کررہے تھے۔
نجی ٹی وی سے گفتگو کرتے ہوئے انہوں نے کہاکہ امریکا اور برطانیہ میں بھی فون ٹیپنگ کی جاتی ہے، عمر ایوب ماضی کی باتیں کیوں بھول جاتے ہیں۔
یہ بھی پڑھیں فون ٹیپنگ کا غلط استعمال کرنے والوں کے خلاف کارروائی ہوگی، وزیر قانون
وزیر دفاع نے کہاکہ ہم ملک سے دہشتگردی کا خاتمہ چاہتے ہیں اور ون پوائنٹ ایجنڈے پر اے پی سی بلائی ہے تاکہ تمام امور طے کر لیے جائیں۔
خواجہ آصف نے کہاکہ خیبرپختونخوا کے وزیراعلیٰ نے میٹنگ میں آپریشن کی حمایت کی جبکہ باہر آکر کوئی اور بات کی۔ ہم دہشتگردوں کے ساتھ لڑنا چاہتے ہیں یہ کہتے ہیں آپریشن نہ کرو۔
انہوں نے کہاکہ سیاستدان کم از کم دہشتگردی کے مسئلے پر تو اکٹھے ہوں، کب تک مائیں اپنے جوان بیٹوں کو قربان کرتی رہیں گی۔
یہ بھی پڑھیں حکمرانوں نے فون ٹیپنگ قانون منظورکرکے اپنی ہی شہ رگ کاٹ لی، عمرایوب
خواجہ آصف نے کہاکہ پی ٹی آئی کے ساتھ مذاکرات کی فائل ابھی بھی ٹیبل پر ہے، لیکن ہم نے جب جب ان کو مذاکرات کی آفر کی انہوں نے مسترد کردی۔
