انٹرنیشنل کرکٹ کونسل (آئی سی سی) نے ٹی ٹوینٹی پلیئرز کی رینکنگ جاری کردی ہے ۔
تفصیلات کے مطابق ٹی 20میں بیٹرز کی رینکنگ میں بھارت کے سوریا کمار یادیو کا پہلا نمبر ہے اور پاکستان کے محمد رضوان دوسرے نمبر پر ہیں۔ نیوزی لینڈ کے ڈیون کانوے کا تیسرا اور بابرعظم کا چوتھا نمبر برقرار ہے، جنوبی افریقا کے رائیلی روسو تین درجے ترقی کے بعد چھٹے نمبر پر آگئے ہیں۔
ٹی20بولرز کی رینکنگ میں افغانستان کے راشد خان پہلے اور سری لنکا کے ہاسارنگا دوسرے نمبر پر ہیں جب کہ نیوزی لینڈ کے مچل سینٹنر ایک درجے ترقی کے بعد 10 ویں نمبر پر آگئے.
ٹی20کے ٹاپ ٹین بولرز میں پاکستان کا کوئی بولر شامل نہیں۔ بولرز کی رینکنگ میں پاکستان کے شاداب خان کا 12 واں نمبر جبکہ حارث رؤف 17 ویں نمبر پر آگئے ہیں۔
ٹی20 کے آل راؤنڈرز میں بنگلادیش کے شکیب الحسن کا پہلا نمبر اور بھارت کے ہاردک پانڈیا کا دوسرا نمبر ہے جب کہ شاداب خان چوتھے نمبر پر ہیں۔
ون ڈے بیٹرز رینکنگ میں پاکستان کے بابراعظم کا پہلا جبکہ ون ڈے بولرز میں آسٹریلیا کے جوش ہیزل ووڈ کا پہلا نمبر برقرار ہے۔
