آزاد کشمیر میں جبہ کے مقام پر جیپ کھائی میں گرنے سے 2افراد جاں بحق ہو گئے۔
ریسکیو ذرائع کے مطابق، سیاحوں کی جیپ دواریاں سے رتی گلی جھیل جاتے ہوئے جبہ زیرو موڑ کے قریب حادثے کا شکار ہوئی۔ جیپ میں 10 سیاحوں سمیت 15 افراد سوار تھے۔
یہ بھی پڑھیں: آزاد کشمیر: ایک ماہ کے دوران ٹریفک حادثات میں 40 اموات، ذمہ دار کون؟
ریسکیو حکام کے مطابق، جیب کھائی میں گرنے سے 2 افراد جاں بحق اور 8 افراد زخمی ہوئے جبکہ 4 افراد نالے میں لاپتا ہوگئے۔
حادثے کا شکار ہونے والے سیاحوں کا تعلق کراچی، نوشہرہ اور وزیرستان سے ہے۔ زخمیوں کو ڈی ایچ کیواسپتال آٹھ مقام منتقل کردیا گیا ہے۔
ریسکیو ذرائع کا کہنا ہے کہ حادثہ میں لاپتہ ہونے والے 4 افرا کی تلاش کے لیے آپریشن جاری ہے۔
یہ بھی پڑھیں: آزاد کشمیر: درگاہ پر مضر صحت کھانا کھانے سے 300 افراد کی طبیعت بگڑ گئی
زخمی ہونے والی ایک سیاح خاتون کے مطابق حادثہ ڈرائیور کی غفلت کے باعث پیش آیا۔
زخمی خاتون کا کہنا ہے کہ جیپ ڈرائیور گاڑی کو ایک موڑ پر کچھ مسئلہ ہوا تو ڈرائیور نے چھلانگ لگا دی۔