سابق وفاقی وزیر فواد چوہدری کے مطابق موجودہ سیٹ اپ مکمل طور پر ناکام ہوچکا ہے، متبادل ملتے ہی وزیر اعظم شہباز شریف سے پاکستان کی جان چھوٹ جائے گی۔
یہ بھی پڑھیں:اگر فارم 45، 47 کھلے تو مریم نواز اپنی کرسی نہیں بچا سکیں گی، فواد چوہدری
سوشل میڈیا سائٹ پر شیئر ایک پیغام میں فواد چوہدری کا کہنا ہے کہ اسٹیبلشمنٹ نے 18 نشستوں کی بنیاد پر شہباز شریف کو وزیر اعظم بنایا۔
فواد چوہدری کے مطابق شہبازشریف کو اس امید پر وزیراعظم بنایا گیا کہ وہ آصف زرداری کے ساتھ مل کر اسٹیبلشمنٹ کے سیاسی بیانیے کا بوجھ اٹھائیں گے اور بانی پی ٹی آئی کی مقبولیت کا مداوا ہوگا، لیکن موجودہ سیٹ اپ کا اسٹیبلشمنٹ کو کچھ بھی فائدہ نہیں۔
فواد چوہدری کا کہنا ہے کہ اس سیٹ اپ سے نہ سیاست سنبھل رہی ہے نہ معیشت، یہ سیٹ اپ مکمل طور پر ناکام ہو چکا ہے۔
