سپریم کورٹ آف پاکستان میں بطور ایڈہاک جج تعین ہونے والے جسٹس ریٹائرڈ سردار طارق مسعود اور جسٹس ریٹائرڈ مظہر عالم میاں خیل کل حلف اٹھائیں گے۔
یہ بھی پڑھیں:پاکستان بار کونسل کا ایڈہاک ججز کی تعیناتی پر جوڈیشل کمیشن کا شکریہ
چیف جسٹس پاکستان قاضی فائز عیسیٰ دونوں ایڈہاک ججز جسٹس ریٹائرڈ سردار طارق مسعود اور جسٹس ریٹائرڈ مظہر عالم میاں خیل سے حلف لیں گے۔
اس حوالے سے منعقدہ حلف برداری کی تقریب ججز بلاک کمیٹی روم میں منعقد ہوگی۔
واضح رہے کہ جسٹس ریٹائرڈ سردار طارق مسعود اور جسٹس ریٹائرڈ مظہر عالم میاں خیل کو ایک سال کے لیے بطور ایڈہاک جج سپریم کورٹ تعینات کیا گیا ہے۔
یہ بھی پڑھیں:پاکستان بار کونسل کا ایڈہاک ججز کی تعیناتی کے معاملے کو چیلنج کرنے کا فیصلہ
صدر مملکت آصف علی زرداری کی جانب سے اس تعیناتی کی منظوری کے بعد وزارت قانون کی جانب سے تعیناتی کا نوٹیفکیشن بھی جاری کر دیا گیا ہے۔
