جماعت اسلامی پاکستان کے سابق امیر سراج الحق نے کہا ہے کہ وزیراعظم شہباز شریف لاشیں گرنے کا انتظار نہ کریں، ہمارے کسی کارکن کو چھیڑا گیا تو پھر یاد رکھیں کہ ہم ڈرنے والے نہیں۔
راولپنڈی میں دھرنے سے خطاب کرتے ہوئے سراج الحق نے کہاکہ اگر ہمارے کارکنوں پر لاٹھیاں برسائی جاتی ہیں تو ہم ایک کے بدلے میں 100 لاٹھیاں برسا سکتے ہیں۔
یہ بھی پڑھیں جماعت اسلامی کا دھرنا جاری، حکومت کو پیش کیے گئے 10 مطالبات سامنے آگئے
انہوں نے کہاکہ اداروں کے خسارے میں جانے کی وجہ کرپٹ اشرافیہ ہے، آصف زرداری کچے کے ڈاکوؤں کا علاج نہیں کرسکتے تو وہ اور کیا کریں گے۔
سابق امیر جماعت اسلامی نے کہاکہ آج ایک سرکاری افسر کو دیکھا جو سرکاری گاڑی میں بچوں کو شاپنگ کرانے کے لیے لے کر جارہا تھا، اگر اس کے ساتھ بچے نہ ہوتے تو پکڑ کر دھرنے میں لاتا۔
سراج الحق نے کہاکہ سرکاری افسران سے سوال ہے کہ ڈیوٹی ختم ہونے کے بعد سرکاری گاڑیوں کا استعمال کیوں کرتے ہیں۔
انہوں نے کہاکہ آج ہمارا وزیراعظم کشکول لے کر بھیک مانگ رہا ہے، جبکہ ناروے، جاپان، ملائیشیا تو کیا افغانستان بھی ہم سے آگے نکل گیا اور کرنسی پاکستان سے بہتر ہے۔
یہ بھی پڑھیں حکومتی وفد کی جماعت اسلامی کے دھرنے میں آمد، باضابطہ مذاکرات پر اتفاق
سابق امیر جماعت اسلامی نے کہاکہ کمشنر سرگودھا کا گھر 104 کنال میں ہے، اور دوسری جانب عوام کی حالت سب کے سامنے ہے۔
واضح رہے کہ جماعت اسلامی کا لیاقت باغ میں دھرنا جاری ہے، اور انہوں نے حکومت کے سامنے 10 نکاتی چارٹر آف ڈیمانڈ رکھا ہے۔
