امریکا میں 11ستمبر کے حملوں کے الزام گرفتار خالد شیخ محمد سمیت 3 ملزمان نے امریکی فوج سے سمجھوتہ کرلیا۔
امریکی ذرائع ابلاغ کے مطابق خالد شیخ محمد، ولید محمد صالح مبارک بن عطش اور مصطفیٰ احمد آدم نے امریکی فوج سے سمجھوتا کر لیا ہے، سمجھوتے کے بعد یہ ملزمان سزائے موت سے بچ گئے ہیں۔
امریکی ذرائع ابلاغ کے مطابق اس سمجھوتے کی تفصیلات منظر عام پر نہیں آئی ہیں، تاہم گوانٹا ناموبے جیل یہ 3 ملزمان آئندہ ہفتے تک بعض نسبتاً کم سنگین جرائم کا اعتراف کریں گے۔
واضح رہے کہ خالد شیخ محمد کو یکم مارچ 2003 میں پاکستان سے گرفتار کیا گیا تھا، خالد شیخ محمد اور کئی دیگر ملزمان پر 11/9 میں ملوث ہونے کے ابتدائی الزامات 2008 میں عائد کیے گئے تھے۔
