کرسٹیانو رونالڈو بلاشبہ فٹبال کی تاریخ کے سب سے بڑے گول اسکورر ہیں اور ان کی نظریں یقینی طور پر کیریئر میں 1000 گول اسکور کرنے پر مرکوز ہوں گی۔ کرسٹیانو (سی آر سیون) نے کیریئر میں 895 گول اسکور کیے ہیں جن میں سے 765 کلب کی سطح پر اور دیگر 130 بین الاقوامی سطح پر ہیں۔
فٹبال کی تاریخ میں بہت کم کھلاڑی رونالڈو کے گول اسکورنگ کے اعداد و شمار پر کمند ڈال سکتے ہیں اور اب بھی ایسا لگتا ہے جیسے ان کے پاس ابھی چند سال باقی ہیں۔ رونالڈو کا النصر کے ساتھ موجودہ معاہدہ 2025 کے موسم گرما تک برقرار ہے، جبکہ اس میں توسیع بھی متوقع ہے۔
پرتگالی آئیکون کی عمر 40 سال ہوگی جب ان کا موجودہ معاہدہ ختم ہو گا، لیکن ایسا نہیں لگتا ہے کہ وہ ابھی اپنے عہدے سے دستبردار ہونے کا کوئی ارادہ رکھتے ہیں۔ کہنے والے یہ بھی کہتے ہیں کہ رونالڈو اس وقت تک کھیلتے رہنا چاہتے ہیں جب تک کہ وہ اپنے بیٹے کے ساتھ پیشہ ورانہ طور پر نہیں کھیل سکتے، جو اس وقت 14 سال کا ہے۔
مزید پڑھیں:میں ریکارڈز فالو نہیں کرتا، ریکارڈز مجھے فالو کرتے ہیں: کرسٹیانو رونالڈو
اگرچہ رونالڈو یورو 2024 کو یادگار نہیں بناسکے، لیکن وہ اب بھی بہت کچھ کرنے کی صلاحیت رکھتے ہیں۔ انہوں نے گزشتہ سیزن میں النصر کے لیے 50 گول اسکور کیے جو 2015-16 کے بعد سے ان کا سب سے کامیاب سیزن تھا جب وہ ریال میڈرڈ کے لیے کھیل رہے تھے۔
ایسا لگتا ہے کہ وہ ریٹائرمنٹ سے پہلے 1000 گول اسکور کرنے کے مشن پر ہیں۔ انہیں اس بلند ریکارڈ تک پہنچنے میں کتنا وقت لگے گا؟ رونالڈو نے اب تک کیریئر میں 895 گول اسکور کیے ہیں، جس کا مطلب ہے کہ انہیں 1000 کے سنگ میل تک پہنچنے کے لیے مزید 105 گول کرنے کی ضرورت ہے۔
رونالڈو 1000 گول کرنے کا ہدف اس صورت میں حاصل کر سکتے ہیں کہ آیا وہ اگلے چند برس میں انجری سے پاک رہ سکتے ہیں یا نہیں؟ جب انجری کی بات آتی ہے تو رونالڈو کا ریکارڈ بہت اچھا ہے، لیکن بڑھاپا آخر کار ہم سب کو اپنی گرفت میں لے لے گا۔
رونالڈو نے گزشتہ سیزن میں 63 میچ کھیلے اور ہر 97 منٹ میں ایک گول کی اوسط حاصل کی۔ اگر وہ اسکورنگ کے اس تناسب کو برقرار رکھتے ہیں اور اتنے ہی میچ کھیلتے رہتے ہیں تو انہیں 1000 رنز کا ہندسہ عبور کرنے میں مزید 2 سیزن لگیں گے۔
مزید پڑھیں:کرسٹیانو رونالڈو رات 10 بجے کے بعد بات کیوں نہیں کرتے؟
تاہم لگتا یہ ہے کہ رونالڈو کو پرتگال کی ابتدائی الیون سے باہر کیا جا سکتا ہے جس کی وجہ سے ان کے بین الاقوامی ہدف متاثر ہوسکتے ہیں۔ گزشتہ سیزن میں رونالڈو نے النصر کی جانب سے ہر 90 منٹ میں اوسطا ایک گول کیا تھا۔ اگر وہ کلب کی سطح پر اس تناسب کو برقرار رکھنے میں کامیاب ہو جاتے ہیں تو انہیں 1000 گول تک پہنچنے میں 105 میچ درکار ہوں گے۔
اگر ہم کہیں کہ رونالڈو اگلے 3 برس تک ہر سیزن میں اوسطا 45 میچ کھیلتے ہیں تو انہیں 1000 اسٹرائیکس کرنے میں صرف 2 سیزن لگیں گے۔
