میں ریکارڈز فالو نہیں کرتا، ریکارڈز مجھے فالو کرتے ہیں: کرسٹیانو رونالڈو

کرسٹیانو رونالڈو نے سعودی پرو لیگ میں زیادہ سے زیادہ گول کرنے کا ریکارڈ قائم کر دیا۔

النصر کے رونالڈو کے الاتحاد کے خلاف 2 گول سے مجموعی گول 35 ہوگئے۔ اس سے پہلے 2019 میں عبدالرزاق حمداللہ نے 34 گول کیے تھے۔

سعودی پرو لیگ کے سیزن میں سب سے زیادہ گو ل کا ریکارڈ بنانے والے رونالڈو نے سماجی رابطے کی ویب سائٹ ایکس پر اپنے پیغام میں کہا کہ میں ریکارڈزفالو نہیں کرتا بلکہ ریکارڈز مجھے فالو کرتے ہیں۔

ریال میڈرڈ اور مانچسٹر یونائیٹڈ کے سابق لیجنڈ نے بھی النصر کے لیے اس سیزن میں اپنے گولوں کی تعداد 50 تک کر لی ہے۔

I don’t follow the records, the records follow me. 🇸🇦 pic.twitter.com/rqywmmTfZD

— Cristiano Ronaldo (@Cristiano) May 27, 2024

اس سے قبل معروف فٹبالر کرسٹیانو رونالڈو 2024 کے سب سے زیادہ کمانے والے ایتھلیٹ بھی قرار دیے جا چکے ہیں۔

غیر ملکی جریدے نے 2024 میں سب سے زیادہ کمانے والے 50 ایتھلیٹس کی فہرست جاری کی۔ فہرست کے مطابق کرسٹیانو رونالڈو نے 12 ماہ کے دوران 26 کروڑ ڈالرز کما کر دیگر تمام کھلاڑیوں کو پیچھے چھوڑ دیا۔