تحریک انصاف کے رہنما اور نجی اسپتال کے مالک شاہد صدیق کو لاہور میں قتل کردیا گیا ہے، شاہد صدیق کو ویلنشیا ٹاؤن کے علاقہ میں فائرنگ کرکے قتل کیا گیا ہے۔
پولیس کے مطابق شاہد صدیق نماز جمعہ کے بعد مسجد سے نکلے تو ان پر فائرنگ ہوئی، فائرنگ کے بعد ملزمان فرار ہوگئے، پولیس نے موقع پر پہنچ کر تحقیقات کا آغاز کردیا۔
خیال رہے شاہد صدیق تحریک انصاف پنجاب کے سینیئر نائب صدر رہ چکے ہیں۔
مزید پڑھیں: ٹانک میں ججز کے اسکواڈ پر فائرنگ، 2 محافظ شہید
آئی جی پنجاب ڈاکٹر عثمان اور ڈی آئی جی آپریشنز نے واقعہ کا نوٹس لیا جس پر ایس پی ماڈل ٹاؤن موقع پر پہنچ گئے اور واقعہ کی مختلف پہلوؤں سے تفتیش شروع کردی۔
آئی جی پنجاب ڈاکٹر عثمان انور نے ڈی آئی جی آپریشنز لاہور سے رپورٹ طلب کرتے ہوئے فائرنگ میں ملوث ملزمان کو فوری گرفتار کرنے کا حکم دیا۔
ترجمان پنجاب پولیس کے مطابق آئی جی پنجاب نے ہدایت کی کہ ملزمان کی گرفتاری کے لیے تمام وسائل بروئے کار لائے جائیں۔
