مون سون کی شدیدی بارش کی وجہ سے ہونے والی لینڈ سلائیڈنگ کے بعد مہندری پل کو شدید نقصان پہنچا ہے، جس کے نتیجے میں پل ٹریفک کی آمد و رفت کے لیے ناقابل استعمال ہوگیا ہے۔
یہ بھی پڑھیں:طوفانی بارشیں اور لینڈ سلائیڈنگ، مظفرآباد کو اسلام آباد سے ملانے والی مرکزی شاہراہ بند
واضح رہے کہ مہندری پل جو ایک اہم کنکشن پوائنٹ ہے، جو بالاکوٹ سے کاغان اور ناران جانے والے راستے پر واقع ہے۔
پل کے انہدام کے بعد حکام نے سیاحوں کو اگلے 5 دنوں تک اس علاقے میں سفر کرنے سے گریز کرنے کا مشورہ دیا ہے۔ پل کی تعمیر نو میں 5 سے 6 دن لگنے کا اندازہ ہے، اس دوران متاثرہ علاقوں میں سفر کرنا مشکل رہے گا۔
حکام نے مہندری پل کے گرنے کے علاوہ مری کی طرف سفر کرنے کا ارادہ رکھنے والوں کو مطلع کیا ہے کہ موسلادھار بارش کے باعث موٹر وے پر متعدد لینڈ سلائیڈنگ ہوئی ہے جس سے سفر غیر محفوظ ہو گیا ہے۔
حکام نے تمام مسافروں پر زور دیا ہے کہ وہ احتیاط برتیں اور سڑک کے حالات کے بارے میں تازہ ترین اپ ڈیٹس سے باخبر رہیں۔
