فیڈریشن آف چیمبرز اینڈ کامرس انڈسٹریز نے انڈیپینڈنٹ پاور پروڈیوسرز (آئی پی پیز) کے خلاف سپریم کورٹ سے رجوع کرلیا، ایف پی سی سی آئی نے عدالت سے آئی پی پیز کے فرانزک آڈٹ کی استدعا بھی کردی۔
فیڈریشن آف چیمبرز نے سپریم کورٹ سے استدعا کی کہ آئی پی پیز کو دیا گیا زائد منافع ریکور کرنے کا حکم دیا جائے، آئی پی پیز کے ساتھ معاہدوں میں ترمیم کرکے ادائیگی بجلی کی فراہمی سے مشروط کرنے کا حکم دیا جائے۔
مزید پڑھیں: آئی پی پیز کا فرانزک آڈٹ کروایا جائے، گوہر اعجاز
ایف پی سی سی آئی نے عدالت سے استدعا کی کہ آئی پی پیز سے متعلقہ 1994، 2002 اور 2015 کی پالیسیاں کالعدم قرار دی جائیں، قرار دیا جائے کہ شہریوں کو سستی بجلی فراہم کرنا حکومت کی ذمہ داری ہے۔
انہوں نے عدالت میں دائر کردہ درخواست میں موقف اختیار کیا کہ قرار دیا جائے کہ حکومت بجلی جیسی بنیادی ضرورت سے منافع نہیں کما سکتی۔
واضح رہے گزشتہ مہینے فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) نے انڈیپنڈنٹ پاور پروڈیوسرز (آئی پی پیز) کو کھربوں روپے کی کیپسٹی پیمنٹس کے خلاف سپریم کورٹ جانے کے فیصلے کا اعلان کیا تھا۔
یہ بھی پڑھیں: وفاقی وزیر توانائی نے آئی پی پیز کے ساتھ معاہدوں میں تبدیلی کا امکان مسترد کردیا
سابق نگراں وفاقی وزیر تجارت گوہر اعجاز نے کہا تھا کہ کہ ایف پی سی سی آئی سپریم کورٹ سے آئی آئی پی پیز کو کھربوں روپے کی کیپسٹی پیمنٹس کی ادائیگی پر رجوع کرے گی۔
