پاکستان تحریک انصاف کے رہنما اور قومی اسمبلی میں اپوزیشن لیڈر عمر ایوب نے کہا ہے کہ فوج، ایف سی اور انٹیلی جنس ایجنسیاں ریاست کی ملازم ہیں، اداروں کو اپنے اپنے دائرے میں رہناچاہیے جبکہ سیاستدانوں کا کام ہے کہ وہ آئین کے مطابق سیاست کریں۔
لاہور کی انسداد دہشت گردی عدالت کے باہر میڈیا سے گفتگو کرتے ہوئے عمر ایوب کا کہنا تھا کہ عمران خان 9 مئی واقعات کی سی سی ٹی وی فوٹیج کے لیے کیس کریں گے۔
مزید پڑھیں:فوج اپنے موقف پر ڈٹی رہے، ہم اپنے موقف پر ڈٹے ہوئے ہیں، عمر ایوب
ان کا کہنا تھا کہ ہماری کسی سے کوئی ڈیل نہیں چل رہی، عمران خان کا پیغام ہے کہ عوام اور فوج کے درمیان ن لیگ اور پیپلز پارٹی خلا پیدا کرنے کی کوشش کر رہی ہے، یہ الیکشن کا سال ہے اس لیے الیکشن کمیشن کو آزاد ہونا چاہیے۔
اپوزیشن لیڈر نے کہا کہ جس شخص کی تنخواہ 20 یا 25 ہزار روپے ہے وہ کیسے گزارا کرے، ملک کو اس بھنور سے مضبوط وزیراعظم ہی نکال سکتا ہے، فارم 47 کی حکومت کچھ نہیں کرسکتی۔
