سلمان خان نے لیجنڈری اسکرین رائٹر جوڑی سلیم خان اور جاوید اختر کی دستاویزی سیریز کی ریلیز کی تاریخ کا اعلان کردیا ہے۔ دستاویزی سیریز 20 اگست 2024 کو پرائم ویڈیو پر نشر ہوگی۔
سلمان خان نے انسٹاگرام پر ایک پوسٹ شیئر کی جس میں انہوں نے تجربہ کار اسکرین رائٹر جوڑی سلیم خان اور جاوید اختر کی دستاویزی سیریز کی ریلیز کی تاریخ کا اعلان کیا۔
سلمان خان نے دستاویزی فلم کا پہلا پوسٹر جس کا آفیشل نام ’اینگری ینگ مین: دی سلیم جاوید اسٹوری‘ ہے بھی شیئر کیا۔ دستاویزی فلم پر گزشتہ 2 برس سے کام جاری تھا اور اب یہ سیریز بالآخر ریلیز کے لیے تیار ہے اور 20 اگست 2024 کو پرائم ویڈیو پر نشر ہوگی۔
مزید پڑھیں:سلمان خان کے کُل اثاثے منظرِ عام پر آگئے، اداکار کے پاس کیا کچھ ہے؟
پوسٹر شیئر کرتے ہوئے سلمان خان نے لکھا کہ سلیم خان اور جاوید اختر اینگری ینگ مین کے طور پر۔ دلچسپ بات یہ ہے کہ سیریز کا ٹائٹل اداکار امیتابھ بچن کی نمائندگی کرتا ہے، جسے کسی اور نے نہیں بلکہ سلیم جاوید نے ہی تخلیق کیا تھا۔
View this post on Instagram
دستاویزی سیریز لیجنڈ اسکرین رائٹر جوڑی سلیم جاوید کی زندگی اور ان کے انتہائی کامیاب کیریئر اور ان کے درمیان پڑنے والی دراڑ کے بارے میں ہے۔ اینگری ینگ مین کی ہدایت کاری نمرتا راؤ نے کی ہے۔
مزید پڑھیں:فلم پٹھان پر تنازع ، جاوید اختر بھی میدان میں آگئے
سیریز کو سلمان خان، رتیش سدھوانی، فرحان اختر، زویا اختر اور ریما کگتی نے مشترکہ طور پر پروڈیوس کیا ہے۔ پروجیکٹ سلیم خان کے بیٹے سلمان خان اور جاوید اختر کے بچوں فرحان اختر اور زویا اختر کے درمیان پہلا اشتراک ہے۔
