صدر مملکت کی جانب سے ڈائریکٹر جنرل ایف آئی اے احمد اسحاق جہانگیر کے لیے سول ایوارڈ کی منظوری دے دی گئی۔
ڈائریکٹر جنرل احمد اسحاق جہانگیر کو گراں قدر خدمات پر ستارہ امتیاز سے نوازا جائے گا۔
یہ بھی پڑھیں:ارشد ندیم کو پاکستان کے دوسرے بڑے سول ایوارڈ ہلال امتیاز سے نوازا جائے گا
احمد اسحاق جہانگیر نے بطور ڈائریکٹر جنرل ایف آئی اے انسانی اسمگلنگ، دہشتگردی، منی لانڈرنگ اور آن لائن جنسی ہراسگی جیسے سنگین جرائم کی روک تھام میں اہم کردار ادا کیا۔
بچوں کی جنسی استحصال کی روک تھام کے لیے مؤثر حکمت عملی اپناتے ہوئے ملک بھر میں خصوصی سیل بنائے گئے۔ سائبر چیلنجز سے نمٹنے کے لیے عالمی اداروں کے ساتھ مضبوط روابط قائم کرنے کے لئے اہم کردار ادا کیا۔
آپ نے 1992 میں پاکستان پولیس سروس میں شمولیت اختیار کی۔ آپ کا تعلق 20 ویں کامن سے ہے۔
آپ نے پاکستان میں سائبر کرائم کی روک تھام اور قانون نافذ کرنے والے اداروں کی کارکردگی میں نمایاں بہتری لانے کے لیے اہم کردار ادا کیا ہے۔
یہ بھی پڑھیں:صدر مملکت آصف علی زرداری نے فوجی افسران کو اعلیٰ ترین عسکری اعزاز ’ہلال امتیاز‘ سے سرفراز کیا
بطور ایڈیشنل ڈی جی سائبر کرائم ونگ آپ کی قیادت میں ایف آئی اے نے سائبر کرائم کے خلاف موثر حکمت عملی تیار کی اور بروقت اقدامات کیے۔ آپ کی کوششوں کی بدولت سائبر کرائم میں ملوث عناصر کے خلاف نمایاں کامیابیاں حاصل ہوئیں اور متعدد گرفتاریاں عمل میں آئیں۔
آپ کی قیادت میں ایف آئی اے نے انسانی اسمگلنگ اور سوشل میڈیا پر جعلی، قابل اعتراض، نفرت آمیز مواد کے خلاف سخت اقدامات کیے۔ آپ نے بین الاقوامی سطح پر ایجنسی کی کارکردگی میں اضافہ کیا اور بین الاقوامی اداروں کے ساتھ تعاون کو فروغ دیا۔
یہ بھی پڑھیں:افسوس کہ ہلال امتیاز کے ساتھ کچھ نہیں ملا: وائلن ساز رئیس احمد
علاوہ ازیں آپ کی خدمات میں پولیس کے روایتی طریقوں کو جدید طریقہ کار سے بدلنا بھی شامل ہے۔ آپ نے پولیس رولز 2018-2017 کا مسودہ تیار کیا، جس سے پولیس کے کام کرنے کے طریقوں میں بہتری آئی۔
آپ کی شاندار کارکردگی کی بدولت انہیں 1995 میں صدر کے پولیس میڈل سے بھی نوازا گیا۔ ڈی جی ایف آئی اے کو سول ایوارڈ 23 مارچ 2025 کی تقریب میں دیا جائے گا۔
