ریلوے انتظامیہ نے پبلک پرائیویٹ پاٹنرشپ کے تحت راولپنڈی اور کراچی کے درمیان چلنے والی سر سید ایکسپریس کو یکم ستمبر 2024 سے بحال کرنے کا فیصلہ کیا ہے-
تفصیلات کے مطابق سرسید ایکسپریس 35 اپ کراچی کینٹ سے رات 9 بجے روانہ ہو کر حیدرآباد،خانپور، خانیوال، فیصل آباد، سانگلہ ہل، وزیر آباد،گجرات اور جہلم سے ہوتی ہوئی اگلے روز رات 8 بج کر 55 منٹ پر راولپنڈی پہنچے گی۔
یہ بھی پڑھیں: پاکستان ریلوے کی کتنی ٹرینیں آؤٹ سورس کی جائینگی اور اس کا عوام کو کیا فائدہ ہوگا؟
اسی طرح سر سید ایکسپریس 36 ڈاؤن راولپنڈی سے دوپہر1 بج کر 30 منٹ پر روانہ ہو کر اسی روٹ سے ہوتی ہوئی اگلے روز دوپہر 1 بج کر 50 منٹ پر کراچی کینٹ پہنچے گی-
ریلوے اعلامیہ کے مطابق یہ ٹرین ایک اے سی سلیپر، ایک اے سی بزنس، ایک اے سی اسٹینڈرڈ، 4 اکانومی کلاس کوچز، ایک ڈائننگ کار، ایک بریک وین اور ایک پاور پلانٹ پر مشتمل ہوگی-
مزید پڑھیں: کراچی تا راولپنڈی ’سمر ویکیشن ٹرین‘ کا آغاز
’ڈرگ روڈ، حیدرآباد، روہڑی،بہاولپور، خانیوال،فیصل آباد،سانگلہ ہل، حافظ آباد،وزیر آباد، گجرات، جہلم ریلوے اسٹیشنز سرسید ایکسپریس کے اسٹاپ ہوں گے جبکہ یہ ٹرین راولپنڈی سے کراچی جاتے ہوئے لانڈھی ریلوے اسٹیشن پر بھی اسٹاپ کرے گی۔‘
