مریم نواز نے گزشتہ روز پنجاب میں بجلی کی قیمت میں 14 روپے فی یونٹ کمی کے بارے میں بات کرتے ہوئے کہا کہ 2 ماہ کے لیے بلز میں ریلیف دیا گیا ہے۔ عوام کم از کم 2 ماہ تو سکون سے گزار سکیں گے اور یہ قلیل مدتی ریلیف نہیں بلکہ اس کے بعد ہم بہت بڑا شمسی توانائی کا منصوبہ لارہے ہیں جو ہمیشہ کے لیے صارفین کو زیادہ بلوں سے نجات دے گا۔
سوشل میڈیا پر مریم نواز کے پورے کلپ کی جگہ ’بجلی بلوں پر ریلیف شارٹ ٹرم نہیں بلکہ 2 ماہ کا ہے‘ کے مخصوص الفاظ کے اسکرین شارٹس لگائے گئے جس پر صارفین نے مریم نواز کو خوب تنقید کا نشانہ بنایا لیکن چند صارفین نے اسکرین شارٹ اور اصل ویڈیوز پوسٹ کرتے ہوئے کہا کہ سوشل میڈیا پر مریم نواز کے بیان کا غلط حوالہ دیا گیا ہے۔
آئینی ماہر اور تجزیہ کار ریما عمر نے مریم نواز کی ویڈیو اور نجی ٹی وی کے اسکرین شارٹس شیئر کرتے ہوئے لکھا کہ ’اسکرین شارٹ صحافت‘ ایک لعنت ہے۔
“Screenshot journalism” is a curse pic.twitter.com/QtTpoyY17Y
— Reema Omer (@reema_omer) August 20, 2024
مصفطیٰ شاہ لکھتے ہیں کہ وہ غلط ہوسکتے ہیں لیکن انہیں لگتا ہے کہ سوشل میڈیا پر خاص طور پر وزیراعلیٰ پنجاب مریم نواز کا غلط حوالہ دیا گیا ہے اور ان کے بیان کو غلط طریقے سے پیش کیا گیا ہے۔
I can be wrong here, but I think the chief minister has been misquoted on social media especially. Her statement has been given a venomous spin.
— Mustafa Shah (@farband) August 20, 2024
وزیراعلیٰ پنجاب مریم نواز نے خود بھی اس اسکرین شارٹ پر ردِعمل دیتے ہوئے کہا کہ وہ اس جعلی خبر کو رپورٹ کررہی ہیں۔
I am reporting this fake news. https://t.co/wTrYnA6u1v
— Maryam Nawaz Sharif (@MaryamNSharif) August 20, 2024
واضح رہے کہ اس سے قبل کئی صارفین یہ سوال کرتے نظر آرہےتھے کہ شارٹ ٹرم اور 2 ماہ کے ریلیف میں کیا فرق ہے۔ صحافی علینہ شگری نے لکھا کہ اب مریم نواز نے مختصر مدت کی ایک نئی تعریف کردی ہے۔
So now we have a new definition of short term! https://t.co/D26Fs2I4BV
— Alina Shigri (@alinashigri) August 20, 2024
مریم نواز کی جانب سے 500 یونٹ تک بجلی استعمال کرنے والے صارفین کے لیے فی یونٹ 14 روپے کمی کے اعلان پر ردِعمل دیتے ہوئے وزیراعلیٰ سندھ مراد علی شاہ نے اسے بیوقوفی قرار دیا تھا۔ مراد علی شاہ کا کہنا تھا کہ عجیب و غریب اعلانات سے ہم پریشانی میں آجاتے ہیں، ان بیوقوفی کے اعلانات کا کیا جواب دیں؟
مراد علی شاہ کے بیان پر ردِعمل میں مریم نوازکا کہنا تھا کہ کسی نے یہ لفظ استعمال کیا کہ یہ عوام کو ریلیف دینا بیوقوفی ہے تو وہ ہنس پڑیں۔ ان کا کہنا تھا کہ کیا کرپشن کا پیسہ جیب میں ڈالنا اور پروٹوکول پر پیسے خرچ کرنا بیوقوفی نہیں؟
