کراچی کے کارساز روڈ پر رواں ہفتے ایک المناک حادثہ پیش آیا، ایک گاڑی نے موٹرسائیکل سواروں کو ٹکر ماری جس کے نتیجے میں باپ اور بیٹی جاں بحق ہوئے۔ اس معاملے میں ایک اور ویڈیو بھی سامنے آئی ہے، جس میں دیکھا جا سکتا ہے کہ خاتون ڈرائیور نے اسی سڑک پر ایک اور سفید رنگ کی گاڑی کو بھی ٹکر ماری تھی۔
منظر عام پر آنے والی نئی ویڈیو میں دیکھا جاسکتا ہے کہ خاتون نتاشا نے اسی روڈ پر پہلے ایک سفید رنگ کی گاڑی کو ٹکر ماری، سفید گاڑی سامنے سے آئی تو خاتون نے اپنی گاڑی کی رفتار کو کم کیا اور پھر تیزی سے گاڑی چلا دی۔
مزید پڑھیں: کراچی: کارساز روڈ پر خوفناک حادثے کی سی سی ٹی وی فوٹیج منظرعام پر آگئی
ویڈیو میں واضح دکھائی دے رہا ہے کہ خاتون نے اسی سڑک پر گاڑی کے پچھلے دروازے کو ٹکر ماری، گاڑی کے پیچھے موجود موٹر سائیکل پر سوار 2 افراد کو بھی ٹکر ماری جس سے وہ گرگئے اور پھر خاتون تیزی سے گاڑی چلاتے ہوئے وہاں سے فرار ہوگئی۔
New CCTV footage from the Karsaz accident shows that the accused, Natasha, hitting a car before crashing into the father and daughter on the motorcycle.#TOKAlert #KarsazAccident #Karachi pic.twitter.com/R9njLa0qAn
— Times of Karachi (@TOKCityOfLights) August 23, 2024
نئی ویڈیو میں واقعہ شام 6 بجکر 11 منٹ پر پیش آیا، تاہم خاتون وہاں سے فرار ہوکر آگے پہنچی جہاں اس نے موٹرسائیکل ہر سوار باپ اور بیٹی کو ٹکر مار کر ہلاک کردیا۔
پولیس نے بھی اس بات کی نشاندہی کی ہے کہ خاتون پہلے واقعے سے فرار ہوتے ہوئے گاڑی کو تیز چلا رہی تھی، تیز رفتاری کے باعث دوسرا حادثہ پیش آیا جس کے نتیجے میں 2افراد کی موت ہوئی۔
یہ بھی پڑھیں: کراچی کی کارساز روڈ پر تیز رفتار گاڑی سے جاں بحق باپ بیٹی کون تھے؟
واضح رہے خاتون اس وقت پولیس کی حراست میں ہے اور عدالتی ریمانڈ پر ہے، خاتون کے وکیل کی جانب سے موقف اختیار کیا گیا ہے کہ خاتون ذہنی مریضہ ہے لیکن جناح اسپتال کی رپورٹس کے مطابق خاتون کا دماغی توازن بالکل درست ہے۔
