گوگل وقتاً فوقتاً اپنے سسٹمز کو اپڈیٹ کرتا رہتا ہے، مصنوعی ذہانت کے آنے کے بعد گوگل نے اس اپنی اپڈیٹس میں مزید اضافہ کردیا ہے، اپنی مصنوعات کو جدید ٹیکنالوجی سے آراستہ کرنے کے لئے مائیکرو سوفٹ کمپنی اس وقت آرٹیفیشل انٹیلیجنس پر اربوں ڈالرز کی سرمایہ کاری کر رہی ہے۔
ٹیکنالوجیکل کمپنی آرٹیفیشل انٹیلیجنس کمپیوٹرز کے لیے کتنے واضح عزائم رکھتی ہے اور اس کے لیے جدید ترین چپس پر کام کرتی ہے، اسی لیے گوگل نے باضابطہ طور پر اے او ایس پی (اینڈرائیڈ اوپن سورس پراجیکٹ) پر اینڈرائیڈ 15 کے لیے سورس کوڈ جاری کیا ہے، جو اس کے موبائل آپریٹنگ سسٹم کے تازہ ترین ورژن کی آمد کا اشارہ دیتا ہے۔
مزید پڑھیں: نئے گوگل کی بورڈ کی خاص بات کیا ہے؟
نئے آپریٹنگ سسٹم کے ساتھ آنے والی اپ ڈیٹس میں سے ایک ڈیفالٹ اینڈرائیڈ کی بورڈ (گوگل کی بورڈ)، جو (Gboard) کے نام سے مشہور ہے، خود بخود درستگی کو بہتر بنانے کے راستے پرہے۔ فی الحال، جی بورڈ صرف الفاظ کو خود بخود درست کرتا ہے یا اگلے لفظ کا اندازہ لگا کر آپ کے جملے مکمل کرتا ہے، لیکن جلد ہی اسے پورے جملے کو خود بخود درست کرنے کے قابل بنا دیا جائے گا۔
آنے والی تازہ معلومات کے مطابق مبینہ طور پر صارفین کو یہ بتانے کی اجازت دی جائے گی کہ آیا وہ خودکار تصحیح صرف انفرادی الفاظ پر کام کرنا چاہتے ہیں یا پورے جملے کو درست کرنا چاہتے ہیں، اور زیادہ ذاتی نوعیت کا ٹائپنگ کا تجربہ فراہم کرتے ہیں۔
مزید برآں، گوگل جی بورڈ حسب ضرورت مینو میں حادثاتی تبدیلیوں کے امکانات کو حل کررہا ہے۔ فی الحال، صارفین ٹولز کو ون ہینڈڈ موڈ میں دوبارہ ترتیب دے سکتے ہیں، ٹرانسلیٹ، اور سائز تبدیل کرکے انہیں اپنی مطلوبہ پوزیشن پر لے جا سکتے ہیں۔
خیال رہے غیر ارادی ترامیم کو روکنے کے لیے گوگل ایک وقف شدہ ترمیمی بٹن متعارف کرائے گا جس کی نمائندگی پنسل آئیکن سے ہوگی۔ صارفین کو ٹولز کو دوبارہ ترتیب دینے سے پہلے اس بٹن کو دبانے کی ضرورت ہوگی۔
یہ بھی پڑھیں: گوگل، فیس بک اور واٹس ایپ پاکستان سے کتنا کماتے ہیں اور کتنا ٹیکس دیتے ہیں؟
واضح رہے گوگل ایک کی بورڈ سوئچر بٹن کے ساتھ مختلف کی بورڈز کے درمیان سوئچ کرنا بھی آسان بنائے گا۔ یہ زبانوں کے درمیان انتخاب کے موجودہ طریقہ کو بدل دے گا۔
اس سے قبل گوگل نے کی بورڈ میں پائلٹ بٹن متعارف کرایا تھا، مائیکروسافٹ کا کہنا ہے کہ مذکورہ بٹن کچھ نئے ونڈوز 11 پی سیز کے کی بورڈ میں موجود ہوگا جبکہ اسی سال لاس ویگاس میں منعقد ہونے والے سی ای ایس ٹیکنالوجی ٹریڈ شو میں بھی اس بٹن کے حامل کی بورڈ کو پیش کیا جائے گا۔
