بھارتیہ جنتا پارٹی کے رہنما برج بھوشن سنگھ نے اولمپک ریسلر ونیش پھوگاٹ پر گیمز میں شرکت کے لیے دھوکا دہی کا الزام لگاتے ہوئے کہا کہ جھوٹ بولنے والوں کو خدا نے سزا دی ہے، یہی وجہ ہے کہ اولمپکس میں کوئی میڈل نہیں جیت سکے۔
ریسلنگ فیڈریشن کے سابق صدر برج بھوشن نے کہا کہ ونیش پھوگاٹ سے پوچھنا چاہتا ہوں کہ کیا کوئی کھلاڑی ایک دن میں 2وزن کے زمرے میں ٹرائل دے سکتا ہے؟ کیا وزن کے بعد ٹرائلز کو 5گھنٹے کے لیے روکا جا سکتا ہے؟ آپ نے ریسلنگ نہیں جیتی کیونکہ آپ دھوکا دے کر وہاں گئے تھے۔ جس کی خدا نے آپ کو سزا دی ہے۔
مزید پڑھیں: اولمپکس میں نااہلی سے دلبرداشتہ وینیش پھوگاٹ نے اہم فیصلہ کرلیا
بی جے پی کے سابق ممبر پارلیمنٹ نے یہ دعویٰ کرتے ہوئے کہ ونیش پھوگاٹ اولمپک میں جانے کی حقدار نہیں تھی، اس نے اولمپکس میں جانے والے کسی دوسرے کھلاڑی کا حق چھینا تھا، اس لیے اس کو سزا ملی۔
انہوں نے الزام لگایا کہ ونیش نے اس لڑکی کی جگہ لی جس نے ٹرائلز میں اس کو شکست دی تھی، اولمپکس میں شرکت کے لیے ہنگامہ کھڑا کیا تھا، اس لیے اس کے ساتھ جو بھی ہوا وہ جائز تھا، اور یہ اس کی حقدار تھی۔ انہوں نے اپنے اوپر لگائے جانے والے الزامات کو کانگرس کی سازش قرار دیا۔
بی جے پی رہنما نے یہ بھی الزام لگایا کہ بجرنگ پونیا نے بھی ٹرائلز مکمل کیے بغیر ایشین گیمز میں حصہ لیا۔ کھیل کے میدان میں ہریانہ کو ہندوستان کا تاج سمجھا جاتا ہے، اور ان کی وجہ سے ریسلنگ کی سرگرمیاں روک دی گئی تھیں۔ کیا یہ سچ نہیں ہے کہ بجرنگ ایشین گیمز میں بغیر ٹرائل کے گئے؟
یہ بھی پڑھیں: اولمپکس سے نااہل بھارتی ریسلر وینیش پھوگاٹ کا کھیلوں کی عالمی عدالت سے رجوع
واضح رہے ونیش پھوگاٹ اور بجرنگ پونیا جو پچھلے سال برج بھوشن کے خلاف پہلوانوں کے احتجاج میں سب سے آگے تھے، نے کانگریس میں شمولیت اختیار کرلی ہے، ایک طرف ونیش پھوگاٹ کو انتخابات کے لیے میدان میں اتارا گیا ہے اور دوسری طرف پونیا کو آل انڈیا کسان کانگریس کا ورکنگ چیئرمین مقرر کیا گیا۔
