کراچی چڑیا گھر میں ایک اور مادہ بنگال ٹائیگر کی ہلاکت کا انکشاف ہوا ہے۔ مادہ ٹائیگر چڑیا گھر کی سب سے پرانی مکین تھی تاہم اسے کافی عرصے سے اکیلے رکھا ہوا تھا۔
چڑیا گھر انتظامیہ نے اعتراف کیا ہے کہہ مادہ ٹائیگر کی موت ایک ہفتہ قبل ہوئی تھی۔ اسے چند ہفتوں سے صحت کے کئی مسائل درپیش تھے، اسے درکار علاج بھی فراہم کیا گیا لیکن وہ صحت یاب نہ ہوسکی چڑیا گھر میں اب 2 شیرنیاں، ایک شیر اور ایک شیر کا جوڑا بچا ہے۔
مزید پڑھیں:کراچی چڑیا گھر کے 26 سالہ ’بن مانس راجو‘ کی ہارٹ اٹیک سے موت واقع ہو گئی
کے ایم سی حکام نے بھی تصدیق کی ہے کہ چڑیا گھر میں مادہ بنگال ٹائیگر مر گئی ہے، جس کی عمر 30 سال تھی۔ بنگال ٹائیگریس کی طبعی موت ہوئی ہے۔ بنگال ٹائیگریس کی طبعی عمر 18 سے 20 سال کے درمیان ہوتی ہے۔
